У Чарнобыльскай зоне новы пажар: прыцягнулі чатыры сотні ратавальнікаў
У Чарнобыльскай зоне ўзнік новы пажар — яго тушаць ужо другія суткі, цяпер прыцягнутыя 4 сотні пажарных.
«На Кіеўшчыне працягваецца ліквідацыя пажару на адкрытай тэрыторыі. Цяпер на месцы працуюць 399 ратавальнікаў, 103 адзінкі тэхнікі ад ДСНС, прыцягнутых з розных куткоў Украіны, а таксама 17 адзінак тэхнікі ад лясной гаспадаркі. З-за моцнага ветру агонь хутка распаўсюджваецца на новыя ўчасткі», — паведаміла ўкраінская служба па надзвычайных сітуацыях.
Таксама паведамляецца, што да ліквідацыі пажару прыцягнулі 5 адзінак цяжкай інжынернай тэхнікі для стварэння мінералізаваных палос — працуюць бульдозеры, трактары і цяжкія цягачы.
Як удакладніла ў каментары «УП» спікер ДСНС у Кіеўскай вобласці Вікторыя Рубан, гэта новы пажар у Чарнобыльскай зоне.
«Так, гэта новы ачаг узгарання ў Чарнобыльскай зоне. Некалькі дзён таму там ужо быў пажар. Той ачаг патушылі. Гэта ўжо новы ў іншым месцы. Ліквідацыя працягваецца другія суткі», — растлумачыла Рубан.
3 верасня паведамлялася, што ў Чарнобыльскай зоне гарыць лясная подсцілка, агонь распаўсюдзіўся на плошчу каля 20 гектараў.
Вечарам 7 верасня паведамлялі, што ў Чарнобыльскай зоне, дзе працягваюцца пажары, агнём пройдзена больш за 2600 гектараў тэрыторыі, радыяцыйны фон у норме.
Сёння вецер — паўднёвы, і смог можа зноў ісці на нашу краіну.
Жыхары цэнтра і захаду Беларусі ўжо некалькі дзён наракаюць на смугу і пах гару.
Між тым, МНС Беларусі абвясціла папярэджанне пра надзвычайную пажарную небяспеку на 9—10 верасня на большай частцы тэрыторыі Гомельскай і Магілёўскай абласцей. Могуць быць пажары ў прыродных экасістэмах, распаўсюджванне агню на населеныя пункты, лініі ЛЭП і сувязі.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну61
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары