Апейкін пахваліўся, што ў яго ўсё добра. Таму можа піць у Венецыі каву па 15 еўра
Выканаўчы дырэктар Беларускага фонду спартовай салідарнасці Аляксандр Апейкін рашуча адказаў тым, хто не ацаніў ягоныя густы — а канкрэтна тое, што ён зайшоў у дарагое кафэ «Фларыян» на плошчы Сан-Марка ў Венецыі.
«Нядаўна я даведаўся, што ў мяне ёсць хейтары. Ім не спадабалася, што я піў каву ў Венецыі ў кафэ «Фларыян» за 15 еўра. Мабыць, па іх логіцы я чамусьці павінен дрэнна выглядаць, піць каву «тры ў адным», жыць пад мастом і харчавацца пратэрмінаванымі прадуктамі з дыскаўнтараў. Бо толькі так можна перамагчы дыктатуру», — абурыўся Апейкін у сацсетках.
Ён запэўніў падпісчыкаў, што нават у перыяд геапалітычнай нявызначанасці мае прыстойныя поспехі ў асабістых справах і бягучых праектах.
«Не варта забываць, што ў першую чаргу я добры спартыўны спецыяліст. Арганізацыйнае развіццё, спартыўны маркетынг і спонсарства — вось мой ключавы шматгадовы профіль. І на гэты момант маю на руках некалькі прапаноў па супрацоўніцтве з добрымі спартыўнымі брэндамі і арганізацыямі.
Таксама займаю ключавыя пазіцыі ў дзвюх грамадскіх арганізацыях — Беларускі фонд спартыўнай салідарнасці і Athletes for Freedom Foundation (USA)».
Апроч таго, Апейкін падзяліўся, што ўвайшоў у нейкі спартыўны стартап з доляй 1,5%.
«І так, я не толькі ў Венецыі ў кафэ «Фларыян» каву піў, я яшчэ і ў гатэлі «Чэрчыль» у Вашынгтоне спыняўся», — пахваліўся выканаўчы дырэктар Беларускага фонду спартовай салідарнасці.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары
Але сорамна выкладаць такія фоты адтуль у гэты час, калі выдатныя беларускія спартсмэны працуюць трэнерамі ці таксістамі. У тым ліку, па яго віне. Гэта непавага і гішпанскі сорам.
Пакуль ен п' е каву на Сан Марка і сядзіць на грантах, беларускія спартсмэны, якія падтрымалі пратэсты і падпісалі яго пісьмо, засталіся сам на сам са сваімі клопатамі. Хаця ен пакуль у арганізацыі, якая павінна была іх падтрымліваць. Столькі было абяцанак, столькі праектаў. Дзе што? Адні лаянкі і фэйлы ў выніку.
Што зроблена за 5 гадоў?
А спецыяліст ен такі сабе - шмат гаворыць, мала робіць. Добра, што зараз гэта пабачылі не толькі ў спорце.
Хай п'е каву дзе заўгодна і працуе на ЗША і на сродкі ЗША, але да беларускага спорту трымайце яго як мага далей. Пойдзе на карысць абодвум бакам.