Асуджаны за спробу перавароту ў Беларусі грамадзянін ЗША Зянковіч вызвалены па просьбе Вашынгтона, паведаміла РІА Навіны прэс-сакратар Лукашэнкі Наталля Эйсмант.
Юрась Зянковіч (справа) пасля вызвалення. Фота з твітара Грэты ван Сустэрэн
«Так, па просьбе Адміністрацыі прэзідэнта ЗША грамадзянін Злучаных Штатаў Амерыкі Зянковіч Юрый Леанідавіч быў вызвалены. Такое рашэнне прынята. Што датычыцца таго, справядліва ці несправядліва ён быў затрыманы — слухайце, глядзіце інтэрв’ю, якія ён даваў, і судзіце самі», — сказала Наталля Эйсмант.
Асуджанага агулам на 13,5 года калоніі Юрася Зянковіча вызвалілі ўчора, і ён выехаў у Літву. Паведамляецца, што ён ужо ляціць у ЗША.
Каментары