Кніжную серыю «Брукаванка» папоўніла новая кніга аднаго з найбольш самастойных і непрадказальных аўтараў беларускага літаратурнага андэграўнда Ігара Сідарука «У пашчы чорнага месяца», піша bellit.info.
Ігара Сідарука немагчыма надоўга замкнуць у межах адной эстэтыкі. Ён можа быць лірыкам, драматургам, аўтарам чорнага бурлеску і стваральнікам «абсурдэлек», аднак за ўсімі гэтымі маскамі застаецца пазнавальны голас — рэзкі, іранічны і балюча чулы.
У сваіх вершах, п’есах і прыдуманых ім «абсурдэльках» пісьменнік нібыта зашыфроўвае пасланні нашчадкам, якія, магчыма, здолеюць лепш за нас зразумець логіку эпохі, што страціла ўсялякую логіку. Болей пра кнігу «У пашчы чорнага месяца» можа пачытаць у разгорнутым водгуку на сайце «Новыя беларускія кнігі».
Выданне кнігі ў «Брукаванцы» вяртае ў актуальную літаратурную прастору не толькі асобнага паэта, але і важную частку гісторыі незалежнай беларускай культуры.
Бо без такіх аўтараў, як Ігар Сідарук, немагчыма ўбачыць поўную панараму беларускай літаратуры апошніх дзесяцігоддзяў — літаратуры, якая існавала не толькі ў афіцыйных выдавецтвах і навучальных праграмах, але і ў альманахах, малатыражных часопісах, тэатральных эксперыментах ды кнігах андэграўндных выдавецтваў.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары