Новая эра свабодных ведаў. Вікіпедыя робіць стаўку на штучны інтэлект
Фонд Вікімедыя прадставіў новую стратэгію, у цэнтры якой — маштабнае ўкараненне генератыўнага ШІ ва ўсе ключавыя працэсы Вікіпедыі. Тэхналогіі будуць працаваць не замест людзей, а дзеля таго, каб зрабіць іх працу больш эфектыўнай і асэнсаванай.
Штучны інтэлект, паводле стратэгіі, стане нябачным, але магутным рухавіком Вікіпедыі. Ён будзе аўтаматызаваць руцінныя задачы мадэратараў, дапамагаць хутчэй знаходзіць інфармацыю, адаптаваць артыкулы пад розныя моўныя і культурныя кантэксты, а таксама стане часткай сістэмы навучання для новых рэдактараў. Усё гэта павінна вызваліць людскія рэсурсы для больш складанай працы: прыняцця рашэнняў, абмеркавання спрэчных пытанняў і падтрымання стандарту якасці.
Але Вікімедыя падкрэслівае: хаця тэхналогія — цэнтральны элемент новай стратэгіі, яна не павінна пераходзіць маральныя межы. Таму Фонд сфармуляваў некалькі прынцыпаў укаранення ШІ.
Па-першае, перавага будзе аддавацца адкрытым мадэлям і рашэнням з адкрытым зыходным кодам.
Па-другое, усе працэсы мусяць быць празрыстымі: карыстальнікі павінны ведаць, дзе і як уключаецца ШІ.
Па-трэцяе, уся дзейнасць павінна адпавядаць нормам абароны прыватнасці і правоў чалавека.
І нарэшце, асаблівая ўвага будзе надавацца захаванню моўнай разнастайнасці — Вікіпедыя застаецца глабальнай супольнасцю, і ШІ не павінен яе стандартызаваць ці ўніфікаваць.
«Наданне свабоднага доступу да ведаў кожнаму на планеце — гэта місія Вікіпедыі, якая стала яшчэ больш актуальнай з узнікненнем генератыўнага ШІ. Менавіта дзякуючы свайму поспеху Вікіпедыя знаходзіцца ў цэнтры кожнай мадэлі навучання штучнага інтэлекту. З новай стратэгіяй у галіне ШІ мы даем абяцанне і абавязацельства свету, якому служым, і валанцёрам, якія стварылі — і працягваюць ствараць — Вікіпедыю як найбуйнейшую энцыклапедыю, якую калі-небудзь ведала чалавецтва», — гаворыцца ў тэксце.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў11
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх21
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Вы ж прачыталі загаловак, дадалі яму свой сэнс і пракаментавалі тое.