У Брэсце затрымалі расіяніна, які спрабаваў заехаць у Польшчу па ўкраінскім падробным пашпарце
Увечары 6 чэрвеня брэсцкія памежнікі ў пункце пропуску «Брэст», затрымалі мужчыну, які меў намер выехаць у Польшчу, паведамляе Памежны камітэт.
Падчас правядзення памежнага кантролю высветлілася, што пашпарт грамадзяніна Украіны мае прыкметы поўнай падробкі. Пры аглядзе асабістых рэчаў у яго быў знойдзены сапраўдны расійскі пашпарт.
Мужчына патлумачыў, што планаваў выехаць у Еўрасаюз да сваіх сваякоў.
Яго затрымалі і змясцілі ў ізалятар часовага ўтрымання Брэсцкай памежнай групы. За спробу незаконнага перасячэння мяжы яму пагражае штраф да 100 базавых велічынь (4200 рублёў).
Акрамя таго, за выкарыстанне падробленых дакументаў прадугледжана крымінальная адказнасць — абмежаванне волі на тэрмін да двух гадоў.
«Прыгразіла пайсці да іншага». У МУС расказалі падрабязнасці забойства 43‑гадовай цяжарнай жанчыны хакейным арбітрам20
Каментары