Цела загінулага матацыкліста два дні ляжала на ўзбочыне, бо паліцыі Польшчы і Літвы не змаглі дамовіцца паміж сабой
Паводле інфармацыі польскага сайта brd24.pl, цела літоўскага матацыкліста праляжала два дні каля дарогі, пакуль яго не знайшлі родныя дзякуючы GPS-каардынатам, піша Delfi.lt.
Аварыйны выпадак адбыўся 5 ліпеня каля вёскі Наталявіца на польскай трасе S6. Камеры зафіксавалі, як 40-гадовы мужчына перастроіўся ў правую паласу, з’ехаў на траву і ўрэзаўся ва ўзгорак.
Жонка матацыкліста ўвечары таго самага дня паведаміла ў паліцыю пра знікненне мужа, перадаўшы GPS-каардынаты апошняга сігналу. Але да 7 ліпеня яго ніхто не знайшоў — цела выпадкова знайшлі сваякі ў высокай траве і выклікалі паліцыю.
Высветлілася, што літоўская паліцыя адразу спрабавала звязацца з польскімі калегамі, але з-за моўнага бар’ера яны не змаглі паразумецца. Палякі папрасілі даслаць ліст па электроннай пошце, але ён не дайшоў — літоўцы памылкова ўвялі адрас: замест [email protected] было напісана dezurny…, з памылкай у адной літары.
Да польскай паліцыі, такім чынам, не дайшла інфармацыя пра знікненне, і толькі 7 ліпеня ў 16:45 яе нарэшце атрымалі. Менш чым праз гадзіну, у 17:39, літоўцы паведамілі, што сям’я сама знайшла цела загінулага.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі15
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары