23 ліпеня ў вёсцы Навасёлкі Валожынскага два хлопчыкі (14 і 6 гадоў) атрымалі апёкі рознай ступені цяжкасці з-за неасцярожнага абыходжання з бензінам пры распальванні печы ў лазні, паведамляе СК.
Старэйшы брат, дапамагаючы бабулі, вырашыў паскорыць працэс гарэння, плюхнуўшы бензін у печ, што прывяло да ўспышкі вадкасці ў яго руках.
Спалохаўшыся, падлетак адкінуў бутэльку, трапіўшы бензінам на малодшага брата, у якога загарэліся спіна і галава. Спрабуючы патушыць агонь, старэйшы хлопчык атрымаў апёкі.
Відавочцам няшчаснага выпадку стала іх сястра. Яна і паклікала бабулю, якая збіла полымя, а таксама выклікала хуткую.
Зараз дзеці знаходзяцца ў бальніцы: 6-гадовы хлопчык атрымаў апёкі 24% цела, а 14-гадовы — 15%.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі22
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары