Старшыня праўлення Нацыянальнага банка Беларусі Раман Галоўчанка па выніках дакладу Лукашэнку заявіў, што крэдытаванне насельніцтва павінна быць пад кантролем, каб пазбегнуць залішняй запазычанасці грамадзян і скіраваць асноўны паток спажывецкіх крэдытаў на набыццё тавараў і паслуг айчыннай вытворчасці.
Паводле слоў Галоўчанкі, за апошнія паўгода аб’ём крэдытаў на беларускія тавары вырас прыкладна на 35%.
Нацбанк раней выказваў занепакоенасць хуткімі тэмпамі росту спажывецкага крэдытавання, бо гэта можа стварыць пагрозу фінансавай і цэнавай стабільнасці, а таксама адцягнуць сродкі ад фінансавання бізнэсу.
Што да стаўкі рэфінансавання (цяпер яна складае 9,75% гадавых), то Раман Галоўчанка адзначыў, што яна застаецца актуальнай і прычын для яе павышэння няма. Наадварот, магчымае нават зніжэнне, але Нацбанк будзе сачыць за сітуацыяй і пры неабходнасці прымаць меры.
Ён таксама падкрэсліў, што ў эканоміцы цяпер дастаткова грошай для інвестыцый і развіцця, а спецыялісты Нацбанка маюць усе неабходныя інструменты для своечасовага рэагавання на змены.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін2
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1313
Каментары