Выстаўлены на таргі фізкультурна-аздараўленчы комплекс «Гарызонт» у цэнтры Мінска
ААТ «H Холдынг» выставіла на таргі былы фізкультурна-аздараўленчы комплекс, размешчаны на вул. Куйбышава, 41, у Мінску. Яго плошча амаль 5,5 тыс. кв. м, і яго можна выкарыстоўваць пад аб’ект сферы паслуг, сказана ў апісанні аб’екта на пляцоўцы Kufar.
Паводле непасрэднага прызначэння будынак не выкарыстоўваецца даволі даўно, але там ёсць арандатары. Паведамляецца, што гэта «крамы спартыўнага прызначэння, а таксама аб’екты сферы паслуг», паведамляе Office Life.
З дакументаў вынікае, што гэта спецыялізаваны будынак фізкультурна-аздараўленчага і спартыўнага прызначэння. За яго просяць каля 6,96 млн рублёў. Адкрыты аўкцыён запланаваны на 25 лістапада.
Тэарэтычна будынак даволі цікавы, перш за ўсё сваім месцам размяшчэння. Там выдатная транспартная даступнасць і добры пешаходны трафік. Асабліва летам у сувязі з размешчанай побач «Пясочніцай».
Нядаўна паведамлялася, што «H Холдынг» трапіў пад новыя санкцыі ЕС. Туды ж трапіла і УП «ІЛТ Гарызонт».
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары