Свету пагражаюць шматлікія адмены рэйсаў: Airbus адклікае шэсць тысяч самалётаў для тэрміновага абнаўлення праграмнага забеспячэння
Увечары 28 лістапада Airbus тэрмінова паведаміў авіякампаніям, што каля шасці тысяч самалётаў A320 маюць патрэбу ў тэрміновым вырашэнні раптоўна выяўленай праблемы з праграмным забеспячэннем. Ідзе гаворка пра ПЗ, важнае для кіравання самалётамі.
Хаос не прымусіў сябе чакаць: дзясяткі рэйсаў былі адменены, з’явіліся затрымкі і перабраніраванні. Асабліва цяжкая сітуацыя ў Японіі: найбуйнейшая авіякампанія ANA адмяніла 65 рэйсаў і папярэдзіла пра збоі ў сваёй працы ў наступныя дні, піша Bild.
У American Airlines праблема закранула 209 самалётаў. Авіякампанія спадзяецца, што да раніцы (па мясцовым часе) амаль усе машыны зноў будуць гатовыя да эксплуатацыі. Air France давялося адмяніць 35 рэйсаў. Air India захоўвае спакой і заяўляе, што сур’ёзных наступстваў не чакаецца, але магчымыя затрымкі і перабраніраванні. Аналагічна выказаліся авіякампаніі Аўстраліі і Паўднёвай Карэі.
Lufthansa не чакае сур’ёзных парушэнняў у працы. «Большая частка абнаўленняў праграмнага забеспячэння ўжо выканана мінулай ноччу і ў суботу раніцай», — паведаміў прадстаўнік кампаніі.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак3
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары