Зяленскі паведаміў пра існаванне трох дакументаў, якія датычацца завяршэння вайны ва Украіне
Вашынгтон згодны з тым, каб гарантыі бяспекі для Украіны былі аформлены як закон, ухвалены Кангрэсам ЗША.
Уладзімір Зяленскі паведаміў пра існаванне трох дакументаў, якія датычацца завяршэння вайны ва Украіне.
Паводле яго слоў, адзін з такіх дакументаў — гэта «мірны план» з 20 пунктаў, які пастаянна змяняецца. Два іншыя — гэта гарантыі бяспекі для Украіны і праект пасляваеннага аднаўлення краіны, які «павінен працаваць пасля таго, як скончыцца вайна або будзе спыненне агню».
Зяленскі ўдакладніў, што Вашынгтон згодны з тым, каб гарантыі бяспекі для Украіны былі аформлены як закон, ухвалены Кангрэсам ЗША.
«Амерыканцы сказалі нам наступнае: яны хочуць, каб гэтым разам ва Украіны былі рэалістычныя гарантыі бяспекі, ухваленыя Кангрэсам, каб мы сапраўды гэта адчувалі, каб у нас была зброя, а ў выпадку неабходнасці ўжываліся санкцыі, каб у нас была СПА, і каб было па ўзору пятай артыкулы [Статута НАТА], аднак гэтыя дэталі мы пакуль яшчэ не прапрацоўвалі», — сказаў прэзідэнт Украіны.
Каментары