«Нарэшце нармальны трапіўся». У Магілёве найлепшым дворнікам стаў афрыканец Ісмаіл
Ісмаіл Сума — рабочы ўчастка № 7. У 2026 годзе ён узяў камунальную вяршыню Магілёва, ды і ў 2025‑м таксама. Ягонае фота, якое вісіць на Дошцы пашаны ЖРЭУ Ленінскага раёна, паказалі ў эфіры «Беларусь 4 Магілёў», піша «МогилевОнлайн».
Нягледзячы на афрыканскія карані, Ісмаіл ужо мае беларускі пашпарт. Жыве і працуе ён у мікрараёне Юбілейны. Мясцовыя ўжо называюць яго «нашым смайлікам» і «будзільнікам».
«Прыйшоў сюды і пачаў прыбіраць. Жыхары кажуць: «Нарэшце нармальны дворнік трапіўся», — расказаае Ісмаіл.
Чаму ён стаў найлепшым?
«У яго пастаянна чысты двор. Ён адказны работнік і якасна выконвае тое, што яму даручана, — ахарактарызавала падначаленага старшы майстар. — І жыхары нашага раёна вельмі задаволеныя Ісмаілам».
«Незвычайны» дворнік прызнаецца, што працаваць, вядома, цяжка: у снег, дажджы, маразы. Ды і прырода часам сюрпрызы робіць — і згадвае мінулагодні летні ўраган, які ўсіх «падвёў». Працавалі з 5‑й раніцы раніцы. Аналагічна яшчэ да світання «выскрабаюць» снег зімой. І ўсё адно на адрас камунальных службаў вельмі шмат крытыкі, не хавае Ісмаіл.
У мінулым прыбіральшчык тэрыторый быў афіцыянтам і даўно марыць стаць кухарам. Кажа, што смачна гатуе і хоча заняцца кандытарствам ці пякарствам. А пакуль, пасля таго як вымеце ўсе вуліцы, — танцуе ў харэаграфічным ансамблі і займаецца акрабатыкай.
Цемнаскуры студэнт у Мінску паскардзіўся Лукашэнку на дарагую кока-колу. Ужо выбачаўся, але міліцыя ім зацікавілася
У Цэнтральным парку Гомеля часта спявае афрыканец. Што за ён?
«Пацыенты дзівіліся, цяпер вітаюцца на вуліцы. Толькі не трэба казаць Hello, bro!» У Барысаве жыве і працуе доктар з Нігерыі
Упершыню ў Беларусі каталіцкім святаром стаў афрыканец, ён служыць у Гомелі
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс1818
Каментары