32‑гадовую настаўніцу гісторыі з Мінска асудзілі па палітычнай справе
Кацярына Жогаль шмат гадоў выкладала ў школе. Але нядаўна яе асудзілі за «садзейнічанне экстрэмісцкай дзейнасці».
Кацярыне Жогаль 32 гады. Яна паходзіць з вёскі Глыбачка Ушацкага раёна Віцебскай вобласці. У 2015 годзе дзяўчына скончыла гістарычны факультэт БДУ, а ў 2016‑м атрымала ступень магістра гістарычных навук.
Больш за 12 гадоў Кацярына займалася падрыхтоўкай школьнікаў да ЦТ і ЦЭ па гісторыі і грамадазнаўстве. Яна таксама працавала настаўніцай у сталічнай школе №124, выкладала ў адукацыйным цэнтры Equal і вяла вячэрнія курсы ў Беларускім дзяржаўным універсітэце замежных моў (былы «іняз»).
Выкладчыца мае вышэйшую кваліфікацыйную катэгорыю, а вучні пакідалі пра яе выключна станоўчыя водгукі як пра любімага настаўніка.
Нядаўна жанчыну асудзілі ў Мінскім гарадскім судзе паводле часткі 1 артыкула 361‑4 КК (садзейнічанне экстрэміцскай дзейнасці).
Жогаль прысудзілі хатнюю хімію.
Масавыя палітычныя рэпрэсіі ў краіне пачаліся пасля 2020 года. Тады Аляксандр Лукашэнка прайграў Святлане Ціханоўскай, але не аддаў ёй улады, а змусіў яе выехаць за мяжу. Гэта выклікала масавыя народныя пратэсты, у якіх удзельнічалі мільёны людзей. У адказ на гэта ўлады распачалі арышты.
Паводле падлікаў аб'яднання сілавікоў «Белпол» і праваабаронцаў, вядомыя імёны як мінімум 9594 чалавек, якія падпалі пад палітычна матываваныя крымінальныя справы. Усяго тыя ці іншыя палітычныя рэпрэсіі (крыміналкі, адміністратыўкі, звальненні, ператрусы) зачапілі каля 500 тысяч беларусаў. Некалькі соцень тысяч людзей вымушаныя былі пакінуць краіну.
«Экстрэмізмам» улады Беларусі лічаць патрабаванне правесці свабодныя выбары з празрыстым падлікам галасоў, а таксама практычна ўсялякую крытыку ўладаў, прарасійскіх гістарычных наратываў, праявы салідарнасці з Украінай, антываенныя выступы.
«Наша Нiва» — бастыён беларушчыны
ПАДТРЫМАЦЬ
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
Пытанне.чка...лагічнае
Чаму Вы і падобныя нешта 6 год патрабуеце у Ціханоўскай ??
Асобы якія паўсталі нічога ні патрабуюць.
Калі ёсць магчымасць дапамагаюць...хто чым хто добрым словам...
Луашистам нужна "история беларуси", написанная, для них, в Кремле, всё в лучших традициях манкуртства.
Лукашисты стараются стать русскими иванами без роду и племени и сгноить своих дптей и внуков в окопах русского мира России.
Они хотят жить на русской пустоши, они думают, что русские им построят дома, инфраструктуру, медицину, социалку, дадут высокие доходы....
Нет, их дети и внуки будут умирать в окопах русского мира и жить на русской пустоши, заросшей лебедой, крапивой и борщевиком, забыв свою историю, свой род своё племя.