Пры ўдары па АЗС каля Крывога Рога загінула сям'я, у Запарожжы за ноч і дзень — двое загінулых і больш за 40 параненых.
У Днепрапятроўскай вобласці ў выніку расійскага ўдару па аўтазаправачнай станцыі каля Крывога Рога загінула сям'я з трох чалавек. Пра гэта паведаміў кіраўнік абласной вайсковай адміністрацыі Аляксандр Ганжа.
Ахвярамі атакі сталі 41‑гадовы мужчына, яго 40‑гадовая жонка і іх васьмігадовы сын. Пасля трапляння на тэрыторыі АЗС успыхнуў пажар. Таксама былі пашкоджаныя сама запраўка і аўтамабілі.
Яшчэ адна аўтазаправачная станцыя пацярпела ў Запарожжы. Паводле мясцовых уладаў, там атрымалі раненні тры чалавекі.
У ноч на 3 жніўня і раніцай расійскія войскі нанеслі па Запарожскім раёне ўдары кіраванымі авіябомбамі. Абстрэлы працягнуліся і ўдзень. Паводле кіраўніка Запарожскай абласной вайсковай адміністрацыі Івана Фёдарава, толькі за паўтары гадзіны па горадзе і ваколіцах было скінута восем кіраваных авіябомбаў.
У выніку атак за нядзелю і панядзелак у Запарожжы і раёне загінулі два чалавекі, яшчэ больш за 40 атрымалі раненні. Сярод пацярпелых — двое дзяцей.
У пасёлку Наватроіцкае каля Запарожжа адна з авіябомбаў разбурыла прыватныя дамы і выклікала пажары. Загінуў 77‑гадовы мужчына, 85‑гадовая жанчына атрымала раненні.
Паводле звестак абласной адміністрацыі, за мінулыя суткі расійскія войскі нанеслі 1083 удары па 49 населеных пунктах Запарожскай вобласці. Для атак выкарыстоўваліся 790 беспілотнікаў розных тыпаў, а таксама іншыя віды ўзбраення.
У выніку абстрэлаў у адным з раёнаў загарэліся балкон шматпавярховага дома і два аўтамабілі. Выбуховая хваля пашкодзіла суседнія будынкі і 12 машын. У іншым месцы ўдару былі пашкоджаныя складскія памяшканні.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары