U prahramie – hukalnyja pieśni, viesnavyja karahody, hulni i zabavy dla moładzi i dziaciej, tradycyjnaja muzyka i tancy, kirmaš.
Pahukać viasnu razam 21 sakavika (subota) zaprašajuć Dziaržaŭny litaraturny muziej Ja. Kupały i Studenckaje etnahrafičnaje tavarystva.
Jak paviedamlaje staronka hetaj imprezy UKantakcie, na śviata zaprošanyja śpieŭnyja hurty «Horyń», «Rutvica», «Miareža», «Varhan», «Kniažyč», Dainava, «Haściniec», «Kałychanka», muzyki Dzianis Suchi, Staś Čavus, Jaŭhien Baryšnikaŭ, Darja Zujeva, Vincent Jančy, Siarhiej Čubryk, Alaksiej Lesavik, Darja Hraščankova, Raman Jaraš, kłub tradycyjnaha tanca SITA, a taksama hramadskaja arhanizacyja «Achova ptušak Baćkaŭščyny».
Jak i zaŭždy na takich śviatach, arhanizatary prosiać usich być nie hledačami, a ŭdzielnikami, «bo tolki tak možna sapraŭdy adčuć i zrazumieć tradycyju». Mienavita heta stvaraje asablivuju atmaśfieru i nastroj.
Taksama vitajucca tradycyjnyja stroi, ptuški i stužki na drevy.
Na śviacie budzie pracavać kuchnia, dzie možna nabyć bliny, harbatu, kvas i inšaje smakoćcie.
Dla ŭvachodu na terytoryju muzieja treba budzie nabyć kvitok: dzieciam – 7 500 rubloŭ, studentam – 10 500, darosłym – 15 000 rubloŭ.
Pačatak a 13-j hadzinie.
Łukašenka niervova prakamientavaŭ vizit Cichanoŭskaj u Kijeŭ45
Kamientary