Naciśnicie, kab pahladzieć u vysokim razroźnieńni
Hrafičny dyzajnier South China Morning Post Albierta Łukas Łopiez pradstaviŭ padrabiaznuju schiemu, što adlustroŭvaje 23 najbolš raspaŭsiudžanyja movy śvietu praparcyjna kolkaści ich nośbitaŭ. Jaje, jak i inšyja jaho raboty, dyzajnier publikuje na lucasinfografia.com.
U śviecie siońnia viadomyja prynamsi 7102 žyvyja movy. Dvaccać try ź ich rodnyja dla prynamsi 50 młn čałaviek, razam jany rodnyja dla 4,1 młrd čałaviek. Kožnaja z hetych movaŭ pradstaŭlenaja ŭ miežach, što adlustroŭvajuć kolkaść ich nośbitaŭ na krainu, koler adpaviadaje rehijonu, u jakim jany ŭkaranilisia.
7,2 młrd čałaviek siońnia žyvuć na Ziamli, 6,3 młrd čałaviek uklučanyja ŭ daśledavańnie, ź jakoha ŭziataja infarmacyja, 4,1 młrd čałaviek majuć rodnaj adnu z 23 samych raspaŭsiudžanych moŭ.
Najbolšuju płošču zajmajuć kitajskaja mova (z mnostvam jaje dyjalektaŭ), što vykarystoŭvajecca pieravažna ŭ Kitai i maje 1,197 młrd nośbitaŭ, ispanskaja z 399 młn nośbitaŭ u Jeŭropie i Amierycy i anhlijskaja z 335 młn nośbitaŭ pieravažna ŭ Paŭnočnaj Amierycy i ŭłasna Vialikabrytanii i Irłandyi. Niemałaja płošča i ŭ ruskaj movy ź jaje 166 młn nośbitaŭ, 6,7 ź jakich adniesienyja da Biełarusi.
Adznačajecca, što infarmacyja ŭ kruzie prybliznaja — acenki nie absalutna dakładnyja, niekatorym źviestkam bolš za 8 hod.
Biełaruskaj movy na schiemie niama — jana maje mienš za 50 młn nośbitaŭ. Pa źviestkach pierapisu nasielnictva 2009 hoda, biełaruskuju movu ŭ Biełarusi rodnaj nazvali 5,688 młn biełarusaŭ i 217 tysiač hramadzian Biełarusi inšaj nacyjanalnaści.
Pad kruham movaŭ pradstaŭlenyja i inšyja cikavyja źviestki: kolkaść krain, u jakoj razmaŭlajuć na toj ci inšaj movie (u lidarach anhlijskaja, arabskaja i francuzskaja z 110, 60 i 51 krainami adpaviedna), samyja papularnyja movy dla vyvučeńnia ŭ jakaści zamiežnaj (lidary — anhlijskaja, francuzskaja i kitajskaja z 1500, 82 i 30 młn navučencaŭ adpaviedna), kolkaść movaŭ u asobnaj krainie (najbolš u Papua-Novaj Hviniei, Indanezii i Nihieryi — pa 839, 707 i 526 movaŭ adpaviedna).
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ88
Kamientary