«Kab žyć u Biełarusi, a nie Biełoruśsii» — u Homieli raspačaŭ pracu hurtok «Mova dziaciej»
Pieršyja zaniatki hurtka biełaruskaj movy dla dziaciej adbylisia 2 krasavika. Pa kolkaści zajavak było sfarmavana try hrupy roznaha ŭzrostu: 4-5 hod, 5-6 i 8-12. Małodšyja dzietki ŭ hulniavoj formie vyvučali leksiku pa temie viasny, rabili aplikacyi ptušak, tančyli, vyvučali nazvy žyviołaŭ, starejšyja znajomilisia ź pieršymi plamionami Biełarusi, malavali, daviedalisia pra Połack, pašparty dryhavičoŭ dy Lavona Volskaha.
Arhanizataram źjaŭlajecca Tavarystva Biełaruskaj movy ŭ Homieli, staršynia i kaardynatar hurtka Alesia Aŭłasievič:
Da mianie źviarnulisia baćki dziaciej, jakija chočuć stvaryć taki hurtok i my vyrašyli, što varta zaprasić i inšych. Niečakana pryjemna było atrymać bolš za 30 zajavak ad zacikaŭlenych hamielčukoŭ, tamu arhanizavali try hrupy, kab kamfortna było pa kolkaści i pa ŭzrostu.
Svaimi ŭražańniami dzielicca maładaja maci Julija:
Nam vielmi spadabałasia. Cimafiej jašče paŭdni pryhadvaŭ biełaruskija nazvy žyviołaŭ. Pryjšli, kab padaŭžać vyvučać rodnuju movu. Usio ž ź dziacinstva treba ŭkładać u samaśviadomaść, asabiva, kali ŭličyć, što doma mała razmaŭlajem na biełaruskaj movie, a pa-za chataj jana prysutničaje tolki na zaniatkach u miežach ahulnaadukacyjnaj prahramy. Rodnaja mova patrebnaja dzieciam, kab jany ŭśviedamlali, što žyvuć u svajoj krainie z nazvaj Biełaruś, a nia niejkaj vydumanaj Biełoruśsii.
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie36
Kamientary