Pa Minsku budzie jeździć hruzavoje taksi i zabirać staryja televizary
U internecie źjaviłasia niezvyčajnaja abjava: šukajuć samy stary televizar, jaho ŭładalniku abiacajuć 4 000 rubloŭ. Jak akazałasia, heta sumiesnaja akcyja videaservisu Voka i arhanizacyi pa ŭtylizacyi elektraadychodaŭ BiełVTI. Biełarusaŭ zaklikajuć pazbaŭlacca ad sastarełych technałohij pravilna: nie vykidać «błakitnyja ekrany» na śmietnik, zabrudžvajučy pryrodu, a adpraŭlać na pierapracoŭku.
Kab spraścić praceduru zdačy starych televizaraŭ, arhanizatary puścili pa Minsku śpiecyjalnaje hruzavoje taksi, jakoje zabiare ich z 1 pa 3 lutaha, u najbližejšuju piatnicu i vychadnyja, kali čakajecca najbolšy napłyŭ u punkty pryjomu. Pakinuć zajaŭku minčanie mohuć praź internet pa hetym adrasie da 1 lutaha ŭklučna.
Usie sabranyja televizary buduć pieradadzienyja ŭ punkt pierapracoŭki dla druhasnaha vykarystańnia ŭžo ŭ novych pryładach.
Kožny, chto zdaść televizar u najbližejšyja dni, zmoža pretendavać na ŭznaharodu ŭ 4 000 rubloŭ za samy stary televizar. Kab jašče bolš zmatyvavać biełarusaŭ pazbavicca ad niepatrebnaha, Voka padoryć kožnamu ŭdzielniku akcyi miesiačnuju padpisku na samuju vialikuju padborku filmaŭ u farmacie 4K.
Videaservis Voka ŭ partniorstvie ź BiełVTI zładziŭ takuju akcyju, kab pryciahnuć uvahu da novych technałohij. Voka na dniach pradstaviŭ samuju bujnuju ŭ krainie kalekcyju filmaŭ u 4K. Heta videa ŭ zvyšvysokim pašyreńni, jakoje dazvalaje doma atrymlivać takuju ž asałodu ad filmaŭ, jak i ŭ kinateatry.
Novaja technałohija ličycca «zabojcaj» papiarednich epoch: vyjava ŭ takim pašyreńni, naprykład, u 23 razy bolš vyraznaja, čym na anałahavych ekranach, i ŭ čatyry — čym u Full HD. Televizary, jakija tranślujuć karcinku ŭ 4K, pačali masava vyrablać try-čatyry hady tamu.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary