27 sakavika adbudziecca kanfierencyja Biełaruskaj fiederacyi futboła, na jakim budzie abrany staršynia arhanizacyi.
Siarhiej Rumas, što ŭznavalvaŭ BFF, nie budzie bałatavacca na pasadu kiraŭnika. Admoviŭsia ad udziełu ŭ vybarach i hienieralny sakratar BFF Juryj Viarhiejčyk. Adzinym pretendentam na pasadu staršyni zastaŭsia Uładzimir Bazanaŭ — deputat Pałaty pradstaŭnikoŭ i były vajenny kamisar Bresckaj vobłaści.
«Sustreŭšysia z Uładzimiram Alaksandravičam [Bazanavym] i abmianiaŭšysia dumkami nakont dalejšaha raźvićcia biełaruskaha futboła, ubačyli, što majem u pohladach šmat ahulnaha. I, što samaje važnaje, rasstaŭlajem adnolkavyja pryjarytety ŭ klučavych pytańniach. Tamu — paśla hoda pracy na pasadzie hienieralnaha sakratara ABFF — liču kudy bolš praduktyŭnym i ŭ dalejšym fakusavać uvahu na spartyŭnym składniku dziejnaści fiederacyi», — patłumačyŭ Viarhiejčyk sajtu BFF.
***
Uładzimir Bazanaŭ
Naradziŭsia ŭ 1957 hodzie ŭ vioscy Bardzinskaje Babajeŭskaha rajona Vałahodskaj vobłaści Rasii.
Skončyŭ Kałomienskaje vyšejšaje vajennaje artyleryjskaje vučylišča, Vajennuju artyleryjskuju akademiju. Pałkoŭnik.
Prachodziŭ vajennuju słužbu na pasadach kamandzira ŭzvoda, kamandzira batarei, načalnika štaba dyvizijona, kamandzira dyvizijona, načalnika štaba bryhady, kamandzira artyleryjskaha pałka, kamandzira rakietnaj bryhady, namieśnika vajennaha kamisara vobłaści, vajennaha kamisara vajennaha kamisaryjata Bresckaj vobłaści.
Deputat Pałaty pradstaŭnikoŭ z 2012 hoda.
Staršynia abłasnoj hramadskaj arhanizacyi «Biełaruski sajuz vieteranaŭ vajny ŭ Afhanistanie», člen savieta i prezidyuma Bresckaj abłasnoj arhanizacyi «Biełaj Rusi».
Žanaty, maje dvuch synoŭ.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ9
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary