Jak pravilna: maj ci travień? Ludzi, dla jakich biełaruskaja mova čužaja, a rasiejskaja rodnaja, časam pieranosiać unutranuju łohiku rasiejskaj movy na biełaruskuju. Skažam, u rasiejskaj «biehiemot» i «hipapatam» — absalutnyja sinonimy, i dla ich heta absalutna narmalna. Ale kali ŭ rasijskaj movie jość tolki «čaj», im dumajecca, što ŭ biełaruskaj movie musić być tolki adzin jaho adpaviednik. Miž tym u biełaruskaj movie isnujuć dva niejtralnyja sinonimy «čaj» i «harbata». Niama nijakaj roźnicy: čaj ci harbata, čaj ź miataj ci harbata ź miataju. Toje samaje i sa słovami «maj» i «travień». Ci voś vam prykład z anhielskaj movy: litter, garbage, trash, junk, waste, rubbish… Pa-anhielsku masa sinonimaŭ, vielmi blizkich, dla adnaho našaha słova «śmiećcie».
Słova «maj» — absalutna narmalnaje. Pa-biełarusku žyta «majuje» (pa-rasiejsku: kołositsia), pieršyja hryby — «majovyja» (pa-rasiejsku: kałasaviki). Ale isnuje i sinonim «travień» — z toj ža liniejki, što červień, žnivień. Pa-polsku i pa-rasiejsku: tolki «maj». Pa-ŭkrainsku: «travień». A pa-biełarusku: i tak, i tak.
Ciapier čytajuć
Vyzvalenaja 18‑hadovaja palitźniavolenaja Maryja Misiuk8
Vyzvalenaja 18‑hadovaja palitźniavolenaja Maryja Misiuk
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary