Pry ŭdziele A1 Biełaruś i Aŭstryja padpisali dekłaracyju ab raźvićci 5G

12 listapada ŭ Vienie adbyłosia padpisańnie sumiesnaj dekłaracyi pa ŭmacavańni supracoŭnictva ŭ śfiery suviazi, infarmacyjna-kamunikacyjnych technałohij i raźvićcia technałohii 5G pamiž Aŭstryjaj i Biełaruśsiu.

Pavialičyć

Dakumientam praduhledžana, što Aŭstryja budzie sadziejničać vykarystańniu isnujučych instrumientaŭ u halinie infarmacyjna-kamunikacyjnych technałohij dla paskareńnia raźvićcia šyrokapałosnaj suviazi i ličbavych technałohij, uklučajučy 5G. Praduhledžana i kansultatyŭnaja dapamoha Biełarusi ŭ raspracoŭcy narmatyŭna-pravavoj bazy dla kankurentnaha i spryjalnaha inviestycyjnaha asiarodździa.

«Pryjemna adznačyć, što praces raspracoŭki «darožnaj karty» pa razhortvańni sietki 5G u Biełarusi nie staić na miescy i što našy prapanovy stali pradmietam vyvučeńnia z boku pradstaŭnikoŭ biełaruskaha ŭrada. My vitajem pryniataje biełaruskim rehulataram rašeńnie ab ščylnym supracoŭnictvie z aŭstryjskim bokam pa pytańni raźvićcia kankurentnaha asiarodździa ŭ halinie IKT, u pryvatnaści ŭkaranieńnia ŭ Biełarusi standartu suviazi 5G. Siońnia Aŭstryja ŭvachodzić u lik lidaraŭ u Jeŭropie pa svoječasovaści praviadzieńnia aŭkcyjonu pa prodažy častot dla 5G, abjomie častot i ŭciahnutaści apierataraŭ suviazi. Hety dośvied, niesumnienna, byŭ by karysny biełaruskamu boku», — adznačyŭ staršynia praŭleńnia kampanii SBT, zasnavalnika Unitarnaha pradpryjemstva «A1» Alechandra Płater.

Siońnia A1 viadzie raspracoŭku architektury sietki 5G. Vyznačana pačatkovaja kolkaść bazavych stancyj, jakija mohuć vykarystoŭvacca dla efiektyŭnaha pakryćcia. Akramia hetaha, jašče ŭ 2018 hodzie kampanija A1 padała zajaŭku na vydzialeńnie na kamiercyjnych umovach, roŭnych dla ŭsich inviestaraŭ, radyjočastotnaha śpiektru, jaki adkazvaje patrabavańniam mižnarodnych standartaŭ 5G.

«Chołdynh A1 Telekom Austria Group, častkaj jakoha źjaŭlajecca naša kampanija, nieadnarazova zajaŭlaŭ pra svaju hatoŭnaść padklučycca da realizacyi hetaha prajekta — u tym liku akazaŭšy jamu nieabchodnuju inviestycyjnuju padtrymku. I hetyja płany pa hety dzień zastajucca niaźmiennymi: A1 Telekom Austria Group ščyra zacikaŭlena ŭ bolš chutkim prychodzie 5G u Biełaruś i hatova prapanavać najaŭnyja ŭ jaje rasparadžeńni viedy, vopyt i mahčymaści dla paśpiachovaha ŭkaranieńnia hetaha pieradavoha standartu suviazi», — adznačyŭ hienieralny dyrektar kampanii A1 Hielmut Duz.

Unitarnaje pradpryjemstva «A1» viadzie kamiercyjnuju dziejnaść z 1999 hoda. U ciapierašni čas 100% kampanii naležyć A1 Telekom Austria Group. Pačynajučy z 2008 hoda, kali kampanija A1 stała častkaj aŭstryjskaha telekamunikacyjnaha chołdynhu A1 Telekom Austria Group, abjom inviestycyj u nacyjanalnuju ekanomiku pieravysiŭ 670 młn jeŭra, a abjom vypłačanych u biudžet padatkaŭ i zboraŭ pieravysiŭ 820 młn jeŭra.

Apieratar pačaŭ kamiercyjnuju ekspłuatacyju sietki 3G pa technałohii HSPA i HSPA+ u sakaviku 2010 hoda, pasłuhi 4G akazvaje ŭ sietcy infrastrukturnaha apieratara beCloud z sakavika 2019 hoda.

• 0
• 0
• 0
• 0
• 0
• 0
• 0
• 0