Jak časta možna chvareć na kavid, kali nie pryščaplacca? Voś što kažuć navukoŭcy
Hod tamu ekśpierty ličyli, što paŭtorny kavid — duža redkaja źjava. Tady va ŭsim śviecie było zafiksavana prykładna dva dziasiatki takich vypadkaŭ.
Ciapier navukoŭcy viedajuć, što ź ciaham času imunitet, nabyty paśla pieraniesienaha kavidu, pačynaje paharšacca.
Zhodna z dackim daśledavańniem, ludzi, małodšyja za 65 hadoŭ, na praciahu jak minimum paŭhoda paśla chvaroby abaronienyja ad kavidu na 80%, pry hetym dla bolš stałych ludziej hetaja ličba składaje tolki 47%.
Źjaŭleńnie štama delta jašče bolš pahoršyła situacyju, raspaviadaje Guardian.
Novaja praca, apublikavanaja ŭ vydańni Lancet Microbe, pralivaje śviatło na toje, jak časta mohuć chvareć na kavid niepryščeplenyja ludzi, jakija taksama admaŭlajucca ad našeńnia masak.
Zhodna ź joj, pieryjad da paŭtornaha zaražeńnia składaje ad adnaho da niekalkich hadoŭ, ale siaredni pakazčyk — 16 miesiacaŭ.
Tym nie mienš, paŭtornaja chvaroba moža mieć miesca i ŭsiaho praź niekalki miesiacaŭ paśla pieraniesienaha kavidu, tamu navat tym, chto chvareŭ na karanavirus, važna prajści vakcynacyju.
Kab padličyć termin da paŭtornaha zaražeńnia, navukoŭcy abjadnali infarmacyju pra hienietyčnuju strukturu virusa kavidu i niekatorych inšych karanavirusaŭ. Na asnovie infarmacyi pra toje, kolki času doŭžycca imunitet ad inšych karanavirusaŭ, vučonyja vypracavali anałahičnyja danyja dla kavidu.
Zhodna ź imi, imunitet paśla pieraniesienaha kavidu isnuje ŭ siarednim u dva razy mienš času, čym abarona paśla troch inšych raspaŭsiudžanych karanavirusaŭ.
Praz čatyry miesiacy paśla kavidu ryzyka paŭtornaj chvaroby składaje ŭ siarednim 5%, ale praz 17 miesiacaŭ jana vyrastaje ŭžo da 50%.
Takija danyja dajuć jašče adnu padstavu ličyć, što virus kavidu pieratvorycca z pandemičnaha ŭ endemičny, to bok zastaniecca z čałaviectvam nadoŭha.
«U nas pazicyja — nie treba masak, ničoha, samo projdzie». Što dumajuć miedyki pra rezanasnaje pasiadžeńnie pa karanavirusie
Čamu navat na vulicy varta nasić masku, kab abaranicca ad kavidu — daśledavańnie
«Lubaja lepš, čym nijakaj!» Infiekcyjanist Mikita Sałaviej padrabiazna raskazaŭ pra vakcyny. Sabrali hałoŭnaje
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary