Rasija zajaviła ab płanach Zachadu zładzić pravakacyju na refierendumie ŭ Biełarusi
Rasija aścierahajecca, što krainy Zachadu mohuć zładzić pravakacyju ŭ Biełarusi na refierendumie ab pryniaćci papravak u Kanstytucyju krainy. Pra heta ŭ razmovie z RIA «Naviny» zajaviŭ dyrektar druhoha departamienta krain SND MZS Alaksiej Pališčuk.
Pavodle jaho słoŭ, na taki krok Jeŭropa i ZŠA mohuć pajści dziela adnaŭleńnia pratestaŭ i pašyreńnia svajho ŭpłyvu na krainu. «Destabilizavać situacyju, zładzić kalarovuju revalucyju, Ustalavać ułasny kantrol nad stanoviščam — heta dobra aprabavanaja taktyka Zachadu», — skazaŭ Pališčuk.
Jon dadaŭ, što płany pravakacyj raspracoŭvajucca naŭprost praź biełaruskuju apazicyju, a palitemihranty atrymlivajuć hrošy za svaju pracu suprać urada Biełarusi.
«Pahladzicie, jakija hrošy vydzialajucca biełaruskim palitemihrantam, jak i chto kaardynuje ich dziejnaść, jakija «hastroli» ładziać ich lidaram, na jakim uzroŭni ich prymajuć», — adznačyŭ dypłamat.
Raniej paviedamlałasia, što refierendum moža prajści ŭ druhoj pałovie lutaha. Dniami budzie apublikavany prajekt Kanstytucyi.
Kamientary