«Da nas stavilisia, jak da žyvioł». Viadomy abaronca «Azoŭstali» raskazaŭ pra ŭmovy ŭ rasijskim pałonie
Ukrainski marski piechaciniec Michaił Dzijanaŭ byŭ siarod 215 vajskoŭcaŭ, jakija 21 vieraśnia viarnulisia z rasijskaha pałonu. U intervju Sky News jon raspavioŭ pra niečałaviečyja ŭmovy, stvoranyja rasijanami.
Jaho fatahrafija paśla vyzvaleńnia šakavała śviet: źniasileny mužčyna sa źniaviečanaj rukoj. Za čatyry miesiacy pałonu Dzijanaŭ schudnieŭ na 40 kiłahram, i na fota było składana paznać hieraičnaha abaroncu «Azoŭstali».
Mužčyna byŭ siarod tych, kaho akupanty trymali ŭ kałonii ŭ akupavanaj Alenaŭcy Danieckaj vobłaści, pa jakoj byŭ naniesieny ŭdar. Michaił nazyvaje hetaje miesca kancłahieram i raskazvaje, jak zachopniki maryli pałonnych hoładam.
«Da nas stavilisia, jak da žyvioł. Jeści było niemahčyma. Na pryjom ježy davali 30 siekund. Za 30 siekund treba było źjeści ŭsio, što možna. Chleb byŭ admysłova vielmi ćviordy, chłopcy, jakim vybili zuby, nie paśpiavali pajeści. Było 30 siekund. A paśla ty pavinien spynicca. Potym ty pavinien byŭ adrazu ŭstać i biehčy. Tak było ŭvieś čas.
«Paviercie mnie, paśla miesiaca hoładu, kali vy zapluščvajecie vočy, vy zabyvajecie pra svaju siamju, pra svaju krainu, pra ŭsio. Adzinaje, pra što ty dumaješ, heta pra ježu», — raskazvaje Dzijanaŭ.
Vajskoviec taksama raskazaŭ, jak pałonnych katavali za padniatuju jahadu ź ziamli. Ich bili pałkami, užyvali elektrašokiery i ŭtykali ihołki pad paznohci.
Z-za pastajannaha stałaha znachodžańnia ŭ nievierahodnaj ciesnacie ŭ Michaiła pačalisia prablemy z nahami — ciapier jamu ciažka chadzić.
Niepapraŭnuju škodu zdaroŭju mužčyny naniesła toje, što rasijanie amal nie akazvali paranienym pałonnym patrebnuju miedycynskuju dapamohu. Na momant zdačy ŭ pałon u Dzijanava była złamanaja pravaja ruka. Akupanty praviali apieracyju z dapamohaj płaskahubcaŭ i biez aniestezii. Za čas znachodžańnia ŭ pałonie z-za adsutnaści miedycynskaj dapamohi kostka vyrasła paŭkruham.
Ciapier jamu treba nabrać 20 kh, pierš čym jon zmoža zrabić karekcyjnuju apieracyju na ruce. A palapšeńnie psichičnaha stanu chutčej za ŭsio zojmie značna bolš času.
«Kožny traŭmavany. Ja liču siabie psichična mocnym čałaviekam, ale dla mianie šmat rečaŭ straciła svaju kaštoŭnaść», — kaža Dzijanaŭ.
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna11
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii1212
Kamientary
Nu tak sadizm, prisuŝij słabovikam, obŝij v RB i RF. Niečiemu udivlaťsia