Prakuratura patłumačyła, čamu aryštavali dyrektara «Susiedziaŭ»
Prakuratura Minska sankcyjanavała źmiaščeńnie pad vartu słužbovaj asoby sietki kram «Susiedzi», u dačynieńni da jakoj zaviedziena kryminalnaja sprava z-za pavyšeńnia cen, z ulikam abstavinaŭ i asoby padazravanaha.
Paviedamlajecca, što dyrektar arhanizacyi viedaŭ pra patrabavańni dyrektyvy ab niedapuščeńni pavyšeńnia cen, ale nie pryniaŭ naležnych i svoječasovych mier pa niedapuščeńni ich rostu. Heta pryviało da pieraacenki cen tavaraŭ u 100 kramach sietki i rostu roźničnych cen na nie mienš jak 65 asartymientnych pazicyj.
Pavyšeńniem cen sietka kram «Susiedzi» zrabiła istotnuju škodu pravam i zakonnym intaresam nie mienš jak tysiačy hramadzian, jakija nabyli hetyja tavary pa zavyšanym košcie, a taksama dziaržaŭnym i hramadskim intaresam, havorycca ŭ paviedamleńni Hienprakuratury.
Raspačata sprava pa č. 2 art. 425 (Biaździejnaść słužbovaj asoby) Kryminalnaha kodeksa. Maksimalny termin pakarańnia pa artykule — da piaci hadoŭ pazbaŭleńnia voli.
Abrańnie hetaj miery zroblena z ulikam abstavinaŭ zroblenaha, infarmacyi pra asobu padazravanaha. Zaraz pa kryminalnaj spravie pravodziać nieadkładnyja śledčyja i inšyja pracesualnyja dziejańni.
Čytajcie taksama:
Pahrom u sietcy «Susiedzi»: KDK zatrymaŭ amal usio kiraŭnictva
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary