Adnaho z kiraŭnikoŭ inicyjatyvy «Cumlennyja ludzi» abvinavacili ŭ zmovie suprać biełaruskaj ułady
Śledčy kamitet zaviaršyŭ rasśledavańnie kryminalnaj spravy ŭ dačynieńni da Ilji Šapatkoŭskaha — adnaho z kiraŭnikoŭ płatformy «Cumlennyja ludzi», jakuju biełaruskija ŭłady pryznali «ekstremisckaj», paviedamlaje pres-słužba viedamstva.
U SK ličać, što Šapatkoŭski «adkazvaŭ za destruktyŭny infarmacyjny paradak, raźmiaščajučy miedyjamateryjały, nakiravanyja vyklučna na naniasieńnie škody reputacyi dziaržaŭnych orhanaŭ, pravaachoŭnaha błoka i pradstaŭnikoŭ ułady».
«Meta infarmacyjnaha paradku — zakłaści ziernie sacyjalna-palityčnaha supraćstajańnia ŭ hramadstvie. Niahledziačy na toje, što Šapatkoŭski, aścierahajučysia, nie ŭstupaŭ u pramuju zmovu pa zachopie ŭłady, jon aktyŭna padzialaŭ idei złačynnych farmiravańniaŭ i spryjaŭ im u dasiahnieńni namiečanych met šlacham zabieśpiačeńnia infarmacyjnaha supravadžeńnia, kultyvavaŭ i prapahandavaŭ u hramadstvie pratesnyja nastroi, tym samym dzialiŭ biełarusaŭ na «svaich» i «čužych» pa pryncypie ich staŭleńnia da dziejnaj ułady. Takaja dziejnaść farmavała radykalna nastrojenyja hrupy i akumulavała ich u vyhladzie natoŭpu na vulicach, u tym liku pablizu vybarčych učastkaŭ. Tak zvanuju «žyvuju siłu» ekstremisty imknulisia vykarystoŭvać jak asnoŭny instrumient dla dasiahnieńnia złačynnych metaŭ i siłavoha zachopu ŭłady», — havorycca ŭ paviedamleńni viedamstva.
Šapatkoŭskamu vystaŭlena abvinavačvańnie pa č. 1 art. 357 (zmova abo inšyja dziejańni, ździejśnienyja z metaj zachopu dziaržaŭnaj ułady niekanstytucyjnym šlacham) Kryminalnaha kodeksa Biełarusi. Jamu pahražaje da 12 hadoŭ pazbaŭleńnia voli.
Materyjały pieradadzienyja prakuroru dla nakiravańnia ŭ sud.
Nahadajem, Ilja Šapatkoŭski ŭ 2020 hodzie byŭ adnym z kiraŭnikoŭ inicyjatyvy «Sumlennyja ludzi». Jon braŭ aktyŭny ŭdzieł u pracy vybarčaha štaba Viktara Babaryki i ŭznačalvaŭ adździeł vieryfikacyi podpisaŭ.
Šapatkoŭskaha zatrymali 4 žniŭnia 2020 hoda, jaho źmiaścili pad vartu ŭ miežach kryminalnaj spravy pa «ekanamičnym» artykule. Adnak u kancy 2021 hoda artykuł źmianili na «palityčny».
Niezaležnaja inicyjatyva pa raźvićci hramadzianskaj supolnaści ŭ Biełarusi «Sumlennyja ludzi» była stvorana ŭ 2020 hodzie. Metaj inicyjatyvy było nie dapuścić falsifikacyi prezidenckich vybaraŭ.
-
Pad rasijskim Vybarham zahinuŭ mužčyna, jaki ŭdzielničaŭ u lasnym fiestyvali. Kažuć, što jon ź Biełarusi
-
Dyrektara toj samaj studyi, jakaja ŭstanaŭlivała Iharu Turu kuchniu za 23 tysiačy rubloŭ, aryštavali za machlarstva
-
U Dźmitryja Baskava skončyŭsia termin dyskvalifikacyi, jon źbirajecca znoŭ viartacca ŭ chakiej
Ciapier čytajuć
Łukašenka: Što tvorycca ŭ krainie, u nas usie hetuju huś kruciać15
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary