Biełaruskich udzielnikaŭ Jeŭrabačańnia buduć sudzić nie tolki za pratest, ale i za zbroju
Sud pryznačany na 10 sakavika.
Kałaž telehram-kanała @viasna96
Sud nad Uładzimiram i Dźmitryjem Karakinymi z hurta Litesound, a taksama ich baćkami Juryjem i Volhaj pryznačany na 10 sakavika.
Pra heta paviedamlaje @by_culture.
Siamju Karakinych abvinavačvajuć pavodle dvuch artykułaŭ: č. 1 art. 342 KK (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich) i č. 2 art. 295 KK (niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ).
Praces pačniecca ŭ 10:30 u sudzie Savieckaha rajona Minska. Vieści jaho budzie Volha Jemialjančanka.
Hurt Litesound reprezientavaŭ Biełaruś na Jeŭrabačańni ŭ 2012 hodzie, pryčym, kab prabicca tudy, vykryŭ falsifikacyju vynikaŭ adboru na karyść łukašenkaŭskaj favarytki Aleny Łanskoj. U 2020 hodzie śpievaki brali ŭdzieł u ruchu za svabodnyja vybary, ich aryštavali za heta praz dva hady.
Z 2020 hoda ŭ Biełarusi adbyłosia kala 50 tysiač palityčna matyvavanych zatrymańniaŭ. Zaviedziena kala 12 tysiač palityčna matyvavanych kryminalnych spraŭ, pa jakich prachodziać dziasiatki tysiač ludziej. Vialikaja kolkaść ludziej vymušanaja była pakinuć krainu, ratujučysia ad represij.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary