Adrazu piać biełarusaŭ byli abranyja na drafcie NCHŁ — 2023. Heta rekord
Raniej kłuby Nacyjanalnaj chakiejnaj lihi nikoli nie vybirali adrazu piaciarych našych suajčyńnikaŭ na adnym drafcie. Da siońniašniaha čaćviarha najbolšaje ich pradstaŭnictva było ŭ 2004 i 2021 hadach — pa try hulcy. A sioleta druhi dzień kirmašu talentaŭ u Nešvile akazaŭsia vielmi pradukcyjnym dla biełaruskaha chakieja, piša kanał BYsport.
U trecim raŭndzie pad 85-m numaram «Anachajm» vybraŭ Jahora Sidarava z kłuba Zachodniaj chakiejnaj lihi (WHL) «Saskatun», a pad 88-m «Aryzona» — Vadzima Maroza ź minskaha «Dynama».
U čaćviortym raŭndzie pad 116-m numaram «Sietł» vybraŭ Andreja Łaško z kłuba «Ruen-Noranda», što hulaje ŭ Hałoŭnaj junijorskaj chakiejnaj lizie Kviebieka (QMJHL).
U šostym raŭndzie pad numaram 186 «Ńju-Džersi» zadraftavała Daniłu Karpoviča z kłuba «Aŭta» z rasijskaj Maładziožnaj chakiejnaj lihi.
Urešcie, u siomym raŭndzie pad 198-m numaram «Fłaryda» vybrała Ściapana Źviahina ź minskaha «Dynama».
Taksama pad 203-m numaram «San-Chase» vybraŭ Jahora Rymašeŭskaha — uradženca Žłobina z rasijskim pašpartam.
Draft taho ci inšaha chakieista kłubam NCHŁ, praŭda, zusim nie aznačaje, što jon pačnie hulać za hety kłub, ale heta daje abranym hulcam šaniec, jaki jany mohuć skarystać, a mohuć i nie.
Ciapier čytajuć
Na kanviercie Cichanoŭskaj napisana «Miedviediu O.V.» Što heta za čałaviek?7
Na kanviercie Cichanoŭskaj napisana «Miedviediu O.V.» Što heta za čałaviek?
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary