Biełaruski režysior Alaksiej Pałujan, aŭtar «Kuražu», pracuje nad dvuma mastackimi prajektami pra Biełaruś
Aŭtar filmaŭ «Kuraž» («Śmiełaść»), «Voziera radaści», «Kraj žančyn», biełaruski režysior Alaksiej Pałujan zaraz pracuje nad dvuma mastackimi prajektami. Pra heta jon raspavioŭ u miežach pramoha efiru — razmovy dla anłajn-kinateatra biełaruskaha kino Vodblisk, piša Reform.by.
Pavodle słoŭ Alaksieja Pałujana, nad adnym z prajektaŭ jon pracuje bolš za try hady. Ciapier prajekt znachodzicca na stadyi zaviaršeńnia scenara. Pryčym praca nad im pačałasia da biełaruskich pratestaŭ 2020 hoda, ale razam z usimi źmienami ŭ śviecie — mianiaŭsia i film.
Poŭnamietražnaja ihravaja karcina mieła rabočuju nazvu «U čakańni Biernau» — heta historyja pra toje, jak dyktatarskija režymy źmianiajuć asobu čałavieka. Siońnia kiniematahrafist vyrašyŭ źmianić nazvu budučaj stužki — prajekt nazyvajecca «Spadčyna». Kali śviet zmoža ŭbačyć novuju pracu režysiora — pakul nieviadoma.
Inšy prajekt zusim novy. Pakul Alaksiej Pałujan usich detalaŭ nie raskryvaje. Adnak adznačaje, što ŭ asnovie novaj mastackaj stužki budzie lažać vielmi cikavaja historyja, dla raspracoŭki jakoj patrebny čas. Na siońnia viadoma, što heta budzie historyja pra biełaruskuju žančynu, zasnavanaja na realnych padziejach. Adnak nie z žyćcia samoha režysiora, jak heta było ź filmam «Voziera radaści», jaki akramia adnajmiennaha ramana Viktara Marcinoviča zasnavany na piersanalnaj historyi siamji Alaksieja.
«Vielmi ciapier natchniony hetym prajektam! — padzialiŭsia Alaksiej Pałujan u razmovie z dyrektarkaj anłajn-kinateatra Vodblisk Volaj Čajkoŭskaj. — Navat davodzicca vybirać, jakomu prajektu bolš času ŭdzialać. Tamu chaču ŭžo skončyć scenar pieršaha, kab prystupić da surjoznaj, ruplivaj pracy nad druhim».
Alaksiej Pałujan ciapier žyvie ŭ Hiermanii. Aproč režysiorskaj pracy jon źjaŭlajecca adnym z zasnavalnikaŭ Biełaruskaj niezaležnaj kinaakademii i siabram Jeŭrapiejskaj kinaakademii. Jaho film «Voziera radaści» dastupny siońnia na Vodblisk.
-
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami1
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4646
Kamientary