U Indyi 13-hadovy matacyklist raźbiŭsia na spabornictvach. Jaho nazyvali nadziejaj krainy
Šrejas jechaŭ na svaim 200-kubovym matacykle, ale ŭpaŭ na adnym z pavarotaŭ. Pry padzieńni z honščyka źlacieŭ šlem.
Na spabornictvach u Čenai (Indyja) zahinuŭ 13-hadovy matacyklist Šrejas Charyš. Jon byŭ nadziejaj Indyi: u mai jon staŭ pieršym indyjcam, jaki ŭziaŭ udzieł na čempijanacie śvietu pa kalcavych honkach, piša Postimees.ee.
Trahiedyja adbyłasia ŭ subotu na adnym z etapaŭ čempijanatu Indyi ŭ Čenai. Šrejas jechaŭ na svaim 200-kubovym matacykle, ale ŭpaŭ na adnym z pavarotaŭ. Pry padzieńni z honščyka źlacieŭ šlem. Matacyklist, jaki jechaŭ zzadu, nie paśpieŭ adreahavać i najechaŭ na Šrejasa. U vyniku 13-hadovy chłopčyk atrymaŭ ciažkuju traŭmu hałavy.
Jaho nieadkładna dastavili ŭ balnicu, ale tam tolki kanstatavali śmierć. Paśla hetaha zdareńnia ŭsie zapłanavanyja na vychadnyja motahonki byli admienienyja.
Pavodle paviedamleńniaŭ miascovych ŚMI, Šrejas, jaki adznačyŭ 26 lipienia svajo 13-hodździe, ličyŭsia šmatabiacalnym maładym matacyklistam i atrymaŭ pryznańnie za dobryja navyki kiravańnia matacykłam.
Prazvany vunderkindam, indyjec uvajšoŭ u historyju ŭ mai hetaha hoda, staŭšy pieršym indyjskim matacyklistam, jaki ŭziaŭ udzieł u finale čempijanatu śvietu pa kalcavych honkach na matacykłach u Ispanii. Jon udzielničaŭ u čempijanacie śvietu FIM Mini-GP i zaniaŭ piataje i čaćviortaje miesca ŭ honkach.
Sad to hear
12yrs Teenager #ShreyasHareesh from Bengaluru dies in riding accident at Chennai Indian National Motorcycle Racing Championship pic.twitter.com/8PY7Yd9p3o
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ10
Kamientary