U Babrujsku źbirajuć podpisy suprać źniščeńnia viadomaj mazaiki
U Babrujsku abviaścili zbor podpisaŭ pad zvarotam da miascovych uładaŭ z prośbaj pierahledzieć rašeńnie ab źniščeńni mazaiki na budynku haradskoj balnicy chutkaj miedycynskaj dapamohi imia Marzona. Pra toje, što mazaika apynułasia ŭ niebiaśpiecy, stała viadoma ŭ pačatku hetaha hoda.
Pano było stvorana ŭ 1968 hodzie babrujskim mastakom Siamionam Abramavym i za hetyja hady zrabiłasia adnym ź viadomych miescaŭ horada. Ale ciapier korpus balnicy chočuć źnieści razam ź im.
«Jak paviedamiŭ pradstaŭnik pradpryjemstva, mazaičnaje pałatno nie ŭvachodzić u pieralik historyka-kulturnych kaštoŭnaściaŭ, tamu budzie demantavana razam z budynkam. Sam znos pavinien pačacca ŭžo ŭ adychodziačym hodzie — jak i było zajaŭlena ŭ płanach», — pryvodzić miascovaja presa pazicyju Upraŭleńnia kapitalnaha budaŭnictva miascovaha harvykankama.
Aŭtary pietycyi nahadvajuć, što na tvory dekaratyŭna-manumientalnaha i manumientalnaha mastactva raspaŭsiudžvajecca zakanadaŭstva, adroznaje ad taho, jakoje prymianiajecca pry achovie historyka-kulturnaj spadčyny, i cikaviacca, ci byli vykananyja ŭsie pracedury z ulikam hetych narmatyŭnych aktaŭ.
U advarotnym vypadku prosiać «zrabić zachady, kab nie dapuścić parušeńnia zakanadaŭstva i paspryjać zachavańniu mazaiki praz rekanstrukcyju, jakaja praduhledžvaje pieranos tvora mastactva na inšaje miesca abo ŭ muziejnyja fondy».
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary