Palicyja ŭ Hdańsku zatrymała 24-hadovuju biełarusku i dvuch 25-hadovych hramadzian Ukrainy. Zatrymanych abvinavačvajuć u niezakonnym abarocie narkotykaŭ, piša Polskieradio.pl sa spasyłkaj na pres-słužbu palicyi.
Jak skazana ŭ paviedamleńni viedamstva, u minułuju sieradu palicejskija patrulavali rajon vulicy Białhradskaj u Hdańsku. U niejki momant jany źviarnuli ŭvahu na aŭtamabil Audi A4, kiroŭca jakoha raptam pierastroiŭsia.
Palicyjanty spynili mašynu dla nadhladu, a padčas jaho ŭkraincy i biełaruska «pavodzili siabie niervova». A ŭ adździaleńni dźviercaŭ kiroŭcy pravaachoŭniki zaŭvažyli vialikuju kolkaść pakietaŭ dy zapadozryli, što heta mohuć być narkotyki.
U vyniku pry pieratrusie kvatery i aŭtamabila zatrymanych palicyja vyjaviła i kanfiskavała kala troch kiłahramaŭ roznych vidaŭ narkotykaŭ.
«Kanfiskavanyja narkatyčnyja i psichatropnyja rečyvy nakiravanyja na ekśpiertyzu, jakaja pa papiarednim zaklučeńni tolki ŭ dačynieńni da niekatorych z hetych rečyvaŭ vyznačyła, što palicyja kanfiskavała značnuju kolkaść narkotykaŭ u vyhladzie 600 porcyj marychuany, hašyšu, kakainu i klefiedronu, a taksama bolš za 200 psichatropnych tabletak», — paviedamiła pres-słužba palicyi.
Pavodle jaje, zatrymanym pahražaje da 12 hadoŭ pazbaŭleńnia voli. Pakul ža jany źmieščanyja pad vartu na try miesiacy.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary