Śviet11

Rasijskija chakiery znachodzilisia ŭ sistemie adnaho z najbujniejšych mabilnych apierataraŭ Ukrainy z maja 2023 hoda

Uzłom pryvioŭ da katastrafičnych prablem i byŭ nakiravany na naniasieńnie psichałahičnaha ŭdaru i zbor raźviedvalnaj infarmacyi.

Načalnik upraŭleńnia kibierbiaśpieki Słužby biaśpieki Ukrainy Illa Viciuk zajaviŭ Reuters, što rasijskija chakiery znachodzilisia ŭ sistemie mabilnaha apieratara «Kijeŭstar» prynamsi z maja 2023 hoda. U śniežni na «Kijeŭstar» była ažyćcioŭlena mahutnaja kibierataka, u vyniku jakoj dziasiatkam miljonaŭ ukraincaŭ byli niedastupnyja mabilnaja suviaź i internet, piša «Kommiersant».

«Na hety momant my možam z upeŭnienaściu skazać, što jany znachodzilisia ŭ sistemie jak minimum z maja 2023 hoda. Ja nie mahu ciapier skazać, ź jakoha času ŭ ich byŭ… poŭny dostup. Imavierna, jak minimum ź listapada», — skazaŭ spadar Viciuk.

Pa słovach načalnika ŭpraŭleńnia kibierbiaśpieki, uzłom pryvioŭ da katastrafičnych prablem i byŭ nakiravany na naniasieńnie psichałahičnaha ŭdaru i zbor raźviedvalnaj infarmacyi. 

Supracoŭnik śpiecsłužby adznačyŭ, što rasijskija chakiery źniščyli praktyčna ŭsio, u tym liku tysiačy virtualnych siervieraŭ i kampjutaraŭ. Pavodle jaho słoŭ, śniežańskaja ataka na «Kijeŭstar», imavierna, źjaŭlajecca pieršym prykładam kibierataki, jakaja całkam źniščyła jadro mabilnaha apieratara.

Spadar Viciuk śćviardžaje, što chakiery sprabavali trapić u sistemu «Kijeŭstara» jašče ŭ sakaviku. Jon zajaviŭ, što ŭ listapadzie ŭ ich źjaviŭsia dostup da asabistaj infarmacyi, miesca znachodžańnia telefonaŭ karystalnikaŭ apieratara. Ź listapada chakiery mahli pierachoplivać SMS-paviedamleńni i, mahčyma, kraści Telegram-akaŭnty, paviedamiŭ supracoŭnik SBU.

Pradstaŭnik «Kijeŭstara» zajaviŭ ahienctvu, što faktaŭ uciečki piersanalnych danych klijentaŭ nie vyjaŭlena. SBU dapamahła apierataru za niekalki dzion adnavić sistemy i adbić novyja kibierataki.

Načalnik upraŭleńnia kibierbiaśpieki padkreśliŭ, što kibierataka na «Kijeŭstar» nie akazała vialikaha ŭpłyvu na ŭkrainskuju armiju, tamu što ŭ joj vykarystoŭvajucca inšyja ałharytmy i pratakoły.

Spadar Viciuk zajaviŭ Reuters, što amal upeŭnieny ŭ tym, što za kibieratakaj staić źviazanaja z Rasijaj chakierskaja hrupa Sandworm. Pry hetym adkaznaść za ataku ŭziali na siabie pradstaŭniki chakierskaj hrupoŭki «Soncapiok».

Spadar Viciuk śćviardžaje, što hod tamu ŭ sistemu ŭkrainskaha mabilnaha apieratara — kampaniju jon nazvać admoviŭsia — užo pranikała Sandworm, ale SBU ŭdałosia vyličyć chakieraŭ. Uzory škodnaha PA, jakoje vykarystoŭvałasia dla ataki na «Kijeŭstar», ciapier vyvučaje ŭkrainskaja śpiecsłužba.

12 śniežnia 2023 hoda adbyŭsia najbujniejšy ź lutaha 2022-ha zboj u pracy infarmacyjnaj infrastruktury Ukrainy, dziasiatkam miljonaŭ ukraincaŭ byli niedastupnyja mabilnaja suviaź i internet. Ukrainskija śpiecsłužby abvinavacili Rasiju ŭ ažyćciaŭleńni mahutnaj kibierataki na «Kijeŭstar». Niepaładki zakranuli pracu bankaŭskaj śfiery i šerahu inšych krytyčna važnych halin. «Kijeŭstar» zajaviŭ, što chakiery ŭzłamali sistemu abarony praz ulikovy zapis supracoŭnika.

Kamientary1

  • Brajb
    04.01.2024
    Prosto dali vziatku i połučili dostup

Ciapier čytajuć

Stała viadoma, na čym pahareŭ hienij finansaŭ Pavieł Kałaŭr3

Stała viadoma, na čym pahareŭ hienij finansaŭ Pavieł Kałaŭr

Usie naviny →
Usie naviny

Pjanaja vychavacielka dziciačaha sadka ŭbačyła na kamodzie ŭ kavalera z Zybickaj $600 — a paśla jak pamiać adšybła10

«Adnojčy śviakroŭ vykinuła moj fałaimitatar». Biełaruska raskazała, jak sprabuje zachavać intymnaje žyćcio, žyvučy z baćkami12

Iraničnaja archiŭnaja znachodka: malitva, jakaja nie źbierahła hałoŭnaha ateista Vialikaha Kniastva Litoŭskaha ad vohnišča17

Tramp abvieściŭ vajnu jemienskim chusitam6

U źlitaj razmovie siłaviki abmiarkoŭvajuć, jak adsočvajuć ludziej pa łakacyi mabilnaha telefona. Nadziejna schavacca ź im składana27

«Nie pojdzie na karyść prusaku». MZS Ukrainy adreahavaŭ na słovy Łukašenki pra Zialenskaha20

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu15

Ź jakoha ŭzrostu pačynajucca pieršyja zboi ŭ pracy mozhu i jak ich zapavolić? Vučonyja dali adkaz1

Ukraina praviała paśpiachovaje vyprabavańnie svajoj novaj rakiety «Doŭhi Nieptun»2

bolš čytanych navin
bolš łajkanych navin

Stała viadoma, na čym pahareŭ hienij finansaŭ Pavieł Kałaŭr3

Stała viadoma, na čym pahareŭ hienij finansaŭ Pavieł Kałaŭr

Hałoŭnaje
Usie naviny →

Zaŭvaha:

 

 

 

 

Zakryć Paviedamić