«Jany vajujuć za svajo zdaroŭje i svajo žyćcio ŭ žachlivych umovach». Cichanoŭskaja — pra śmierć Ihara Lednika
Demakratyčny lidar Biełarusi prakamientavała śmierć za kratami 63-hadovaha Ihara Lednika, jakaja stała piataj za kratami za niapoŭnyja try hady
«Piataja śmierć za kratami… Heta nievierahodnaja niespraviadlivaść i trahiedyja — toje, što ŭ turmach režym zabivaje biełarusaŭ, jakija chacieli źmianić žyćcio svajoj krainy da lepšaha. Vitold Ašurak, Mikałaj Klimovič, Aleś Puškin, Vadzim Chraśko, a zaraz i Ihar Lednik stali achviarami režymu Łukašenki.
Ihara Lednika adpravili za kraty z-za artykuła ŭ časopisie ab mižnarodnym niejtralitecie Biełarusi.
I na praciahu dvuch hadoŭ metanakiravana zabivali — u 63-hadovaha aktyvista była druhaja hrupa invalidnaści z-za prablem z sercam. Režym vydatna viedaŭ pra heta, pazbaŭlajučy jaho svabody. Imia Lednika było ŭniesiena ŭ «Humanitarny śpis» — tudy pravaabaroncy ŭklučali ludziej, jakich treba terminova vyzvalić pa stanie zdaroŭja ci z pryčyny ŭzrostu.
Ihar Lednik šmat hadoŭ padtrymlivaŭ pradprymalnikaŭ, dapamahaŭ pravaabaroncam, raźvivaŭ demakratyčny ruch u Biełarusi. Jaho aktyŭnaść vychodziła daloka za miežy rodnaha Barysava, a ab nastojlivaści i pryncypovaści Lednika viedała ŭsia kraina. Ihara šmat razoŭ aryštoŭvali za pratesty suprać niespraviadlivaści, aktyŭnuju palityčnuju pazicyju. Ale jon zastavaŭsia viernym sabie – i nie zdradžvaŭ idejam svabodnaj Biełarusi.
Ja vykazvaju ščyryja spačuvańni siamji i blizkim Ihara Lednika. I zaklikaju ŭsich — miedyja, mižnarodnych partnioraŭ, pravaabaroncaŭ — ustać na abaronu palitviaźniaŭ. Siońnia ŭ krainie bolš za dziasiatak palitviaźniaŭ, jakim patrebna dapamoha prosta ciapier. Uładzimir Małachoŭski, Ryhor Kastusioŭ i Halina Dzierbyš zmahajucca z ankałohijaj. Iryna Mielchier i Alaksandr Fiaduta pakutujuć ad prablem z sercam. Ale Zujevaj uvieś čas patrebnyja leki, kab nie prahresavaŭ lejkoz… Jany vajujuć za svajo zdaroŭje i svajo žyćcio ŭ žachlivych umovach. I nam nieabchodna abjadnać namahańni, kab jak maha chutčej znajści varyjanty dla ich vyzvaleńnia».
Ciapier čytajuć
Łukašenka: Što tvorycca ŭ krainie, u nas usie hetuju huś kruciać25
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5757
Kamientary