Abranyja sapraŭdnyja patryjoty, addanyja biełaruskamu narodu — Andrejčanka pra vyniki vybaraŭ deputataŭ
«I pracavać jany buduć na karyść rodnaj Biełarusi», — upeŭnieny staršynia nižniaj pałaty.
U pradstaŭničyja orhany ŭłady abranyja sapraŭdnyja patryjoty, jakija chvarejuć za svaju krainu, addanyja biełaruskamu narodu, zajaviŭ staršynia Pałaty pradstaŭnikoŭ Uładzimir Andrejčanka na pasiadžeńni dziasiataj siesii Pałaty pradstaŭnikoŭ siomaha sklikańnia, kamientujučy vyniki vybaraŭ deputataŭ, piša BiełTA.
Pałata pradstaŭnikoŭ vośmaha sklikańnia sfarmiravana ŭ poŭnym składzie, adznačyŭ śpikier. «U liku deputataŭ — 70 členaŭ čatyroch palityčnych partyj: «Biełaja Ruś» (51 mandat), Kamunistyčnaja partyja Biełarusi (7), Libieralna-demakratyčnaja partyja (4), Respublikanskaja partyja pracy i spraviadlivaści» (8), — padkreśliŭ staršynia Pałaty pradstaŭnikoŭ.
«U novaje sklikańnie ŭvajšli 20 deputataŭ Pałaty pradstaŭnikoŭ biahučaha sklikańnia i 3 — minułych sklikańniaŭ. Dazvolcie pavinšavać vas, pavažanyja kalehi, z čarhovym etapam vašaj deputackaj dziejnaści i pažadać zdaroŭja, ščaścia i pośpiechaŭ na karyść rodnaj Biełarusi», — dapoŭniŭ Uładzimir Andrejčanka.
Marzaluka ŭsio ž pryznačyli deputatam. Prahnoz «NN» na vybary spraŭdziŭsia na 97%
Partyja Hajdukieviča akazałasia aŭtsajdaram u kurtatym biełaruskim parłamiencie, atrymaŭšy haniebnyja čatyry mandaty
«Pryjšli kala 30% vybarcaŭ». Vałanciorka BRSM raskazała, što adbyvałasia na jaje ŭčastku
Łukašenka: Ciapierašniuju ŭładu padtrymlivajuć bolš za 87% nasielnictva
Kamientary