Źjaviŭsia biełaruska-rasijski padručnik dla VNU pa «historyi Sajuznaj dziaržavy»
Z pačatku biahučaha navučalnaha siemiestra źjaviŭsia pryznačany dla studentaŭ rasijskich i biełaruskich VNU padručnik pa «historyi Sajuznaj dziaržavy», jaki prezientujecca jak «pieršy paŭnavartasny navučalny dapamožnik, pryśviečany sajuznaj prablematycy, za ŭsie hady isnavańnia Sajuza», piša «Rośsijskaja hazieta».
U pracy nad hetym padručnikam udzielničali supracoŭniki histaryčnaha fakulteta Maskoŭskaha dziaržaŭnaha ŭniviersiteta imia Łamanosava, Instytuta historyi NAN Biełarusi, histaryčnaha fakulteta Biełaruskaha dziaržaŭnaha ŭniviersiteta, Akademii kiravańnia pry Łukašenku, Fiederalnaj nacyjanalna-kulturnaj aŭtanomii biełarusaŭ Rasii pry padtrymcy Fiederalnaha ahienctva Rasii pa spravach nacyjanalnaściaŭ.
Pierad aŭtarami pastavili zadaču
«sistematyzavaŭšy bazavyja histaryčnyja fakty, sfarmiravać ahulnyja dla rasijskich i biełaruskich historykaŭ mietadałahičnyja pryncypy, histaryčnyja padychody, napoŭnić udakładnienym źmiestam histaryčnyja paniaćci, terminy».
Adzin z aŭtaraŭ padručnika, staršynia prapucinskaj i prałukašenkaŭskaj Fiederalnaj nacyjanalna-kulturnaj aŭtanomii biełarusaŭ Rasii Siarhiej Kandybovič ciešycca z taho, što narešcie im udałosia prapichnuć hety padručnik, bo ciapier, maŭlaŭ,
«nijakaja treciaja siła nie moža akazvać ani najmienšaha ŭpłyvu na toje, što farmuje rozumy maleńkich i maładych hramadzian svajoj Ajčyny. Časy, kali źmiestam školnych padručnikaŭ rulili zamiežnyja fondy, adyšli ŭ Rasii i Biełarusi ŭ minułaje, spadziajusia, nazaŭždy».
U toje, što moładź abiedźviuch krain zmoža pravilna saryjentavacca biez pastajannaj ideałahičnaj apracoŭki z boku režymaŭ Pucina i Łukašenki, Kandybovič nie asabliva vieryć:
«tolki advierniemsia, čarhovy pacukałoŭ z dudačkaj adviadzie ŭsich našych dziaciej z horada, jak u staroj kazcy».
Nachvalvaje novy padručnik i dyrektar Instytuta historyi NAN Biełarusi Vadzim Łakiza, padkreślivajučy, što rychtavaŭsia jon śpiecham:
«Chutkaje było rašeńnie, ale vielmi ŭzvažanaje, pa padrychtoŭcy rukapisu kalektyŭnaha navučalnaha dapamožnika, jaki adpaviadaje dziaržaŭnym zadačam i zapytam hramadstva».
Pavodle jaho słoŭ, kalektyŭ aŭtaraŭ natchniała razumieńnie i bačańnie, «jaki vielizarny abjom materyjałaŭ i infarmacyi jość, ź jakoj chutkaściu jon pryrastaje, jakija prosta nieabsiažnyja temy źjaŭlajucca pastajanna ŭ ramkach raźvićcia i ŭmacavańnia Sajuznaj dziaržavy». I dumaje, što pravilna było b zrabić «acenku roli asob u hetym pytańni».
Jak padkreślivajecca, «padručnik, pa sutnaści, źjaŭlajecca kancepcyjaj vykładańnia biełaruskaj historyi, raspracavanaj rasijskimi i biełaruskimi historykami jak adzinaje bačańnie». A pierad padrychtoŭkaj i vydańniem «Historyi Sajuznaj dziaržavy» letam 2023 hoda toj ža aŭtarski kalektyŭ vydaŭ sumiesny navučalny dapamožnik «Historyja biełaruskich ziamiel i biełaruskaj dziaržavy. Karotki narys. Materyjały da lekcyjnaha kursu».
U BDU hetyja navučalnyja dapamožniki rekamiendavanyja pry zasvajeńni kursaŭ «Ułada i hramadstva ŭ Biełarusi ŭ novy i najnoŭšy čas», «Madernizacyjnyja pracesy ŭ Biełarusi», a taksama vykarystoŭvajucca ŭ vykładańni ŭ ramkach pieršaj mižnarodnaj rasijska-biełaruskaj mahistarskaj prahramy MDU i BDU «Historyja biełaruskaj dyjaspary».
Niecikava, prymusova, nieviadoma što i nieviadoma navošta. Minadukacyi aburyłasia pracaj BRSM i BRPA
Minadukacyi vypuścić novy padručnik pa fiłasofii, choć i stary «jakasna padrychtavany»
U 10-ch kłasach historyju Biełarusi abjadnajuć z suśvietnaj historyjaj u adzin kurs
«Kali pra heta kazaŭ naš rektar — značyć tak i jość». Žurnalisty pasprabavali znajści biełaruska-rasijski padručnik pa historyi
U škołach užo vykarystoŭvajuć adziny padručnik pa historyi Biełarusi i Rasii
«Saŭki, vatniki, hopniki, čyrvonyja čałaviečki…» Školnikam prapanujuć padumać nad hetymi charaktarystykami savieckaha naroda
Kamientary