Pamior Chans-Hieorh Vik, jaki na styku stahodździaŭ sprabavaŭ abjadnać biełaruskuju apazicyju
Niamiecki dypłamat i raźviedčyk pražyŭ doŭhaje i źmiastoŭnaje žyćcio: 96 hadoŭ.
Jak stała viadoma «Našaj Nivie», pamior Chans-Hieorh Vik. Heta adbyłosia 15 maja, ale viadoma stała tolki siońnia.
Spadar Vik naradziŭsia 28 sakavika 1928 hoda ŭ Hamburhu. Skončyŭ Hamburhski ŭniviersitet (1954), dzie vyvučaŭ prava i fiłasofiju. Z 1954 pa 1993 hady pracavaŭ u Ministerstvie zamiežnych spraŭ FRH. U 1974—1977 hadach byŭ pasłom FRH u Iranie, u 1977—1980 — pasłom FRH u SSSR, u 1980—1985 — pastajannym pradstaŭnikom FRH u NATA. U 1985—1990 hadach Chans-Hieorh Vik byŭ kiraŭnikom Fiederalnaj raźviedvalnaj słužby.
Z 1998 pa 2001 hady — Chans-Hieorh Vik byŭ kiraŭnikom Kansultatyŭnaj naziralnaj hrupy ABSIE ŭ Biełarusi, marna sprabujučy abjadnać biełaruskuju apazicyju.
Napiaredadni prezidenckich vybaraŭ 2001 hoda źjaviŭsia artykuł u «Sovietskaj Biełoruśsii» «Apieracyja «Bieły busieł», dzie ŭ najlepšych tradycyjach kanśpirałohii hazieta namalavała Ch.-H. Vika jak voraha, jaki placie zmovy, u jakich udzielničaje biełaruskaja apazicyja.
I naadvarot, amatary teoryi zmovy ź inšaha boku malavali jaho jak prychilnika biełaruskich uładaŭ.
-
«Kapiejki zapłacić nie mohuć». Łukašenka aburyŭsia parterminavanymi zapazyčanaściami za arendnaje žyllo
-
«Ździek z žyvych istotaŭ». Biełarusy aburanyja ŭmovami dla katoŭ na vystavie «Murfest» u stalicy
-
U dačynieńni da biełarusaŭ u ZŠA byli vyniesienyja 52 pastanovy ab departacyi za niajaŭku ŭ imihracyjny sud
Ciapier čytajuć
U Minsku masažyst Andrej tajemna zdymaŭ hołych klijentak26
Kamientary