Premjer Indyi Narendra Modzi 23 žniŭnia pryjechaŭ va Ukrainu ź pieršym aficyjnym vizitam.
Padčas razmovy z Uładzimiram Zialenskim jon raskazaŭ, jak niadaŭna sustrakaŭsia z Uładzimiram Pucinym.
«U minułym miesiacy, kali ja naviedvaŭ Rasiju, ja vielmi vyrazna skazaŭ Pucinu, što prablemy nie mohuć być raźviazanyja na poli boju. Adziny šlach vyrašeńnia prablem — heta dyjałoh i dypłamatyja. I, nie hublajučy času, my pavinny ruchacca ŭ hetym kirunku. Abodvum bakam pryjdziecca sieści razam i šukać šlachi vychadu z hetaha kryzisu», — skazaŭ Modzi.
Premjer zhadaŭ i sustreču z Pucinym va Uźbiekistanie, što była dva hady tamu. «Ja skazaŭ jamu, hledziačy ŭ vočy, pierad presaj, što ciapier nie era vajny».
U sumiesnaj zajavie Ukrainy i Indyi pa vynikach sustrečy skazana, što Indyja hatova ŭnieści svoj układ usimi mahčymymi sposabami, kab spryjać bolš chutkamu viartańniu miru.
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie11
Kamientary