«Z metaj uciahvańnia ŭ zhubnuju dziejnaść». Stała viadoma, u čym kankretna abvinavačvajuć historyka Ihara Mielnikava
Sudovy praces nad historykam pačaŭsia ŭ Minharsudzie. Iharu Mielnikavu zakidajuć «sadziejničańnie ekstremisckaj dziejnaści».
Mielnikava sudziać za intervju nienazvanamu niezaležnamu ŚMI, jakoje jon daŭ u 2022 hodzie. Praces prachodzić u adkrytym režymie.
Vytrymku z abvinavačvańnia pracytavała «SB».
«Ihar Mielnikaŭ u 2022 hodzie pa matyvach nacyjanalnaj varožaści i varažniečy, a taksama palityčnaj i ideałahičnaj varožaści, zahadzia viedajučy pra ekstremisckuju dziejnaść udzielnikaŭ zabaronienaha ŭ Biełarusi infarmacyjnaha resursu, u metach raźvićcia i papularyzacyi miedyja takoj nakiravanaści i ŭklučeńnia ŭ padobnuju dziejnaść bolšaj kolkaści hramadzian, daŭ im intervju», — zajaviŭ prakuror.
Adznačajecca, što historyk davaŭ kamientary ŚMI jak u Biełarusi, tak i ŭ Polščy.
Mielnikaŭ, jak paviedamlajecca, pryznaŭ vinu. Jamu pahražaje da šaści hadoŭ kałonii.
Hazieta administracyi Łukašenki vystaviła i svaje abvinavačvańni na adras Mielnikava. U repartažy havorycca, što jon
«u svaich tak zvanych pracach adkryta ŭsłaŭlaŭ polskich panoŭ, jakija hadami pryhniatali biełaruski narod, vykazvaŭ asablivuju luboŭ da bajevikoŭ z Armii Krajovaj…»
Samoha Mielnikava prapahandysty nazyvajuć «psieŭdahistorykam».
U kancy žniŭnia knihi Mielnikava «Zabyty korpus: historyja polskaha vojska na terytoryi Babrujščyny ŭ 1918, 1919-1920 hadach» i «Na «miažy cyvilizacyj». Staronki historyi davajennaha saviecka-polskaha kardona ŭ Biełarusi» byli pryznanyja «ekstremisckimi».
Ciapier čytajuć
Łukašenka: Što tvorycca ŭ krainie, u nas usie hetuju huś kruciać5
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2121
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna21
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary