Biełaruski bodzibiłdar, jaki charčavaŭsia siem razoŭ na dzień, pamior u 36 hadoŭ
Spyniłasia serca, vyklikali chutkuju, ale vyratavać nie ŭdałosia.
Biełaruski bodzibiłdar Illa «Holem» Jefimčuk pamior va ŭzroście 36 hadoŭ, paviedamiła jaho žonka Hanna ŭ Instagram, piša RIA «Naviny».
«Siabry, ź nievierahodnym bolem u sercy pavinna vam paviedamić, što Illa pakinuŭ hety śviet. Ranicaj 6 vieraśnia jaho serca spyniłasia doma, ja była pobač, vyklikała chutkuju, rabiła masaž serca pakul jany byli ŭ darozie. Chutkaja pryjechała vielmi chutka. Na viertalocie jaho ekstranna pavieźli ŭ kliniku. Uvieś hety čas ja maliłasia, u mianie była nadzieja na toje, što Iluša aprytomnieje. Kožny dzień ja pravodziła pobač ź im, u mianie była nadzieja, jaho serca ŭklučyłasia na dva dni, ale siońnia doktar paviedamiŭ mnie strašnuju navinu, što mozh pamior», — napisała Hanna Jefimčuk.
Illa važyŭ 158 kiłahramaŭ pry roście 185 santymietraŭ. Spartsmien vykonvaŭ žym štanhi ležačy z vahoj 272 kiłahramy, jaho rekord u prysiadzie i stanavaj ciazie — 317 kiłahramaŭ.
Bodzibiłdar ładziŭ paŭnavartasny pryjom ježy siem razoŭ na dzień i prytrymlivaŭsia dyjety na 16 500 kałoryj.
Ciapier čytajuć
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary