Z-za paciapleńnia klimatu ŭ Biełarusi, vidać, vymierli dva vidy matylkoŭ
Imklivaje źmianieńnie klimatu ŭpłyvaje na fłoru i faunu Biełarusi. I daloka nie zaŭsiody hety ŭpłyŭ dobry. Niekatoryja žyvyja arhanizmy ź ciažkaściu adaptujucca da novych umoŭ, a niekatoryja — źnikajuć, raskazali ŭ navukova-praktyčnym centry NANB pa bijaresursach.
Tak, u nastupnaje vydańnie Čyrvonaj knihi, naprykład, prapanujuć uklučyć zachodniejeŭrapiejski padvid hłušca, zvyčajnuju turkaŭku i kałmatanohaha syča. Asnoŭnaja prablema dla dvuch apošnich vidaŭ — źniknieńnie miescaŭ pražyvańnia.
Reč u tym, što turkaŭka žyvie ŭ starych šyrokaliścievych lasach, a kałmatanohi syč hniazdujecca ŭ starych sasnovych lasach. Prablema, što saśniakoŭ, starejšych za 50 hadoŭ, u Biełarusi stanovicca ŭsio mienš. I pryčyna ŭ karajedach, jakija apošnim časam značna ŭ takich lasach raspładzilisia. Asabliva mocna cierpiać paŭdniovyja rehijony krainy, dzie źmieny klimatu adčuvajucca macniej.
Ad źmieny klimatu surjozna cierpiać i biełaruskija bałoty. Tempieratura pavietra pavialičvajecca, a kolkaść apadkaŭ zastajecca toj samaj. Tamu niekatoryja vidy akazvajucca ŭ zonie ryzyki.
Naprykład, za apošnija dziesiać hadoŭ śpiecyjalisty nie bačyli ŭ našaj krainie nivodnaj pierłamutraŭki frei i pierłamutraŭki fryhi. Chutčej za ŭsio, hetyja matylki prosta vymierli na terytoryi Biełarusi.
MZS zastupiłasia za žyvioł
Biełarus źbiraŭ jabłyki i natknuŭsia na miłaha hryzuna z Čyrvonaj knihi VIDEA
U Biełarusi płanujuć panizić achoŭny status zubra i buraha miadźviedzia, a chamiakoŭ, naadvarot, pavysić
Biełaruska znajšła ŭ lesie redki «hryb-vasilok». Što za jon?
U čornych busłoŭ u Biełarusi stała vyvodzicca bolš ptušaniat. U čym pryčyna?
Ciapier čytajuć
«Ja hatovaja stać ministram ekanomiki Biełarusi». Novy tvar u Kabiniecie Alisa Ryžyčenka — pra karupcyju na karyść Łukašenak, Zareckuju i reformy21
Kamientary