Polšča ŭskładniaje vizavyja praviły paśla karupcyjnaha skandału. Heta datyčyć i humanitarnych vizaŭ
Polšča ŭzmacniaje praviły dla vydačy vizaŭ, bolš nie budzie nieprazrystych sposabaŭ paskareńnia pracesu atrymańnia ich u budučyni, zajaviŭ kiraŭnik MZS Polščy Radasłaŭ Sikorski.
Raniej prypynili prahramu Poland Business Harbour, jakaja hałoŭnym čynam była nakiravanaja na samazaniatych asob u IT-sektary ź Biełarusi.
Praviły dla vydačy vizaŭ z humanitarnych pryčynaŭ taksama pierahladajucca, cytuje ministra zamiežnych spraŭ Polščy Radyjo Svaboda.
Ministar zajaviŭ, što hetym krokam kraina padvodzić rysu pad karupcyjnaj praktykaj u vydačy vizaŭ, jakaja isnavała pry papiarednim uradzie kanservatyŭnaj nacyjanalistyčnaj partyi «Prava i spraviadlivaść» (PiS), što kiravała krainaj z 2015-ha pa 2023 hod.
Spravazdača Najvyšejšaj kantrolnaj pałaty (NKP), apublikavanaja ŭ čaćvier, paćvierdziła paviedamleńni ŭ ŚMI, jakija źjavilisia minułaj vosieńniu, što polskija konsulstvy padčas kiravańnia PiS u Azii i Afrycy vydavali vizy ŭ abmien na vialikija sumy.
Tak, padčas pravierki NKP vyjaviła amal 50 parušeńniaŭ, jakija datyčacca mechanizmu vydačy vizaŭ padčas znachodžańnia va ŭładzie ŭ krainie kaalicyi pravych sił (2018—2023), paviedamiŭ Radosłaŭ Sikorski.
Vyniki aŭdytu pakazali, što «ź listapada 2022-ha pa travień 2023 hodu isnavaŭ nieprazrysty i karupcyjny mechanizm u Ministerstvie zamiežnych spraŭ, jaki ŭpłyvaŭ na niekatorych polskich konsułaŭ, kab paskoryć apracoŭku zajaŭ na vizy», havorycca ŭ spravazdačy Najvyšejšaj kantrolnaj pałaty.
Zhodna z pradstaŭlenaj infarmacyjaj, pryvatnyja pasiarednickija firmy niezakonna ŭdzielničali ŭ atrymańni vizaŭ. Paviedamlajecca, što adna z hetych firmaŭ dapamahła ŭ atrymańni 4250 vizaŭ z studzienia 2018-ha pa sakavik 2024 hoda. Pavodle spravazdačy, jana brała z zajaŭnikaŭ da 7 tysiač eŭra ($7645) za svaje pasłuhi.
Heta praktyka davańnia dazvołaŭ na ŭjezd rezka supiarečyła antyimihranckaj i antyzamiežnaj rytorycy ŭradu PiS. U žniŭni 2023 hodu tahačasny namieśnik ministra zamiežnych spraŭ Piotar Vaŭžyk byŭ zvolnieny. Pavodle paviedamleńniaŭ polskich ŚMI, jon ličyŭsia hałoŭnym arhanizataram hetaj systemy. U studzieni Vaŭžyk byŭ aryštavany. Suprać jaho viadziecca raśśledavańnie praz padazreńnie ŭ karupcyi.
-
Valfovič nazvaŭ vybuch drona kala aŭtobusa vypadkovym, ale pozna. Prapahanda paśpieła znajści vinavatych i ablić uvieś śviet dziarmom
-
«Ja była ŭ šoku ad radaści i ščaścia». Biełaruska 15 hadoŭ šukała italjanskuju siamju, u jakoj žyła dziciom paśla Čarnobyla
-
U Biełaviežskaj puščy buduć rabić kancertnuju placoŭku
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju4
Kamientary