Hienprakuratura choča viarnuć u Biełaruś Kryž Jefrasińni Połackaj, słuckija pajasy i sani Napaleona
Minkult stvaryŭ śpis pradmietaŭ kultury, jakija źnikli padčas vajny.
Pieralik kulturnych kaštoŭnaściej, pieramieščanych z terytoryi BSSR u hady Vialikaj Ajčynnaj vajny i jakija padlahajuć viartańniu, byŭ stvorany pa inicyjatyvie Hienprakuratury.
U śpis uklučyli 694 pradmiety kultury. Siarod ich — ikony, karciny, knihi, skulptury, a taksama inšyja pradmiety dekaratyŭna-prykładnoha i vyjaŭlenčaha mastactva.
U pieralik uklučany, naprykład, zhubleny aryhinalny Kryž Jefrasińni Połackaj, vyrableny ŭ 1161 hodzie majstram Łazaram Bohšam.
Taksama Hienprakuratura prapanuje viarnuć u krainu słuckija pajasy, jakija pryznanyja nacyjanalnaj relikvijaj i histaryčnym kulturnym simvałam, — u Biełarusi zachavalisia adzinkavyja asobniki i frahmienty takich pajasoŭ. Jość u pieraliku i takija relikvii, jak klučy Mahilova, sani Napaleona Banaparta i bułava karala Žyhimonta III.
Śpis nie kančatkovy — Minkult praciahnie pracu pa acency i repatryjacyi zhublenych kulturnych relikvij.
U Hienprakuratury ličać, što pradmiety znachodziacca ŭ šerahu zamiežnych dziaržaŭ — u ich liku nazyvajucca ZŠA, Izrail, Ukraina, Polšča i inšyja. Pradmiety kulturnaj spadčyny Biełarusi mohuć znachodzicca jak u muziejach, tak i pryvatnych kalekcyjach.
U 2024 hodzie ŭ muziejach, biblijatekach i archivach Biełarusi arhanizavana revizija, meta jakoj vyjavić stračanyja kulturnyja kaštoŭnaści pieryjadu Druhoj suśvietnaj.
U vieraśni 2024 hoda staršynia ekśpiertnaj hrupy pradstaviŭ spravazdaču ab vyjaŭleńni novych siami tysiač ekspanataŭ ź liku kulturnych kaštoŭnaściaŭ pieryjadu Vialikaj Ajčynnaj vajny.
Paviedamlajecca, što Ministerstva zamiežnych spraŭ arhanizavała adpaviednuju pracu pa linii mižnarodnaha supracoŭnictva.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu1
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8282
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie82
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1919
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch19
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary