Siamja z 12 čałaviek, što vyjechała z Łatvii ŭ Biełaruś, choča žyć u Rasii
Šmatdzietnaja siamja, jakaja źjechała z Łatvii praź nibyta dyskryminacyju rasijskamoŭnaha nasielnictva, maje namier žyć u Smalenskaj vobłaści, paviedamiła ANT.
Učora paviedamlałasia, što paśla taho jak siamja ŭ Łatvii nibyta pazbaviłasia šerahu lhot i stała atrymlivać pahrozy ab pazbaŭleńni baćkoŭskich pravoŭ, jany vyjechali ŭ Biełaruś, skarystaŭšysia biaźvizam.
«Užo zaŭtra ŭ siamji Marozavych pačniecca novaje žyćcio. Napieradzie jašče adzin pierajezd, u Rasiju. Heta žadańnie siamji. Pry sadziejničańni rasiejskaha Fondu padtrymki i dapamohi šmatdzietnaja siamja pačnie novaje žyćcio ŭ Smalenskaj vobłaści», — zajavili ŭ efiry telekanała.
Pavodle infarmacyi telekanała ANT, siamju Marozavych sustreli ŭ Minsku, paznajomili z horadam, zładzili ekskursiju na kandytarskuju fabryku.
U Smalenskaj vobłaści, dzie pražyvali ich prodki, siamja budzie žyć u sielskaj miascovaści. U Łatvii ŭ siamji zastaŭsia jašče adzin syn, jamu 20 hadoŭ. Zastacca ŭ Ryzie jaho «prymusiła kachańnie».
Ciapier čytajuć
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary