Na biełaruskaj viersii rasijskaha sajta Ozon možna nabyć tajamničy miod manuka, pryčym 225 hramaŭ łasunku buduć vam kaštavać ažno 302 rubli. U čym jaho admietnaść?
Na Ozon hety miod pradstaŭleny ŭ dvuch varyjantach pakavańnia, tamu 301,72 rubla — jašče i nie samaja vialikaja suma, jakuju možna za jaho addać. Kali vy pažadajecie nabyć 500 hramaŭ miodu manuka, rychtujcie ŭžo 619,4 rubla.
Bolš za toje, na sajcie paznačana, što heta cana padčas rasprodažu. Nasamreč, pavodle Ozon, słoiki kaštujuć utraja daražej.
Za taki košt vam prapanujuć, pavodle apisańnia tavaru, aryhinalny miod manuka, vyrableny ŭ Novaj Ziełandyi.
Hety pradukt ciapier u trendach sacsietak: jak piša Huffpost, błohiery chvalać miod manuka za antybakteryjalnyja i supraćzapalenčyja ŭłaścivaści, a taksama kažuć, što jon bahaty na antyaksidanty. Kažuć, što možna nie tolki dadavać jaho ŭ harbatu i ježu, jak zvyčajny miod, ale i nanosić na rany, lačyć im prastudžanaje horła, vykarystoŭvać jak masku dla tvaru i šmat čaho jašče.
Dyk što ž heta za miod?
Sapraŭdny miod manuka robiać u Aŭstralii i Novaj Ziełandyi. Dla hetaha pčoły pavinny apylać adzin vid raśliny — dreva manuka, ci, kažučy pa-navukovamu, tankanasieńnik mietłapadobny. Miod manuka sapraŭdy maje antybakteryjalnyja ŭłaścivaści, piša WebMD. Šmat u čym heta źviazana z rečyvam mietyłhliaksal, jakoje ŭvachodzić u jaho skład.
Vytvorcy miodu stvaryli śpiecyjalnuju škału, kab acanić jaho moc. Heta rejtynh pad nazvaj UMF, jaki zaležyć ad kancentracyi ŭ miodzie troch bijałahična aktyŭnych rečyvaŭ: taho samaha mietyłhliaksala, dyhidraksiacetonu i leptaśpierynu. Kažuć, što, kab miod manuka nasamreč byŭ lačebny, rejtynh UMF u jaho pavinien składać nie mienš za 10 bałaŭ (u miodu za 302 rubli jon roŭny 20 bałam). Ź inšaha boku, lekary i daśledčyki nie ŭpeŭnienyja, što hety rejtynh niešta značyć z punktu hledžańnia miedycyny.
Jość danyja, što miod manuka sapraŭdy moža paskarać čas, za jaki zažyvajuć nievialikija rany, apioki i jazvy na nahach. Taksama jon moža być efiektyŭny ŭ lačeńni prablem sa skuraj, u tym liku ekziemy i dermatytu, u lačeńni prastudžanaha horła i palapšeńni stravavańnia. Adnak kali vyrašycie nanosić hety miod na rany, lepš nie śpiašacca: dla takoj apracoŭki jon pavinny być sterylna čysty, i lepš davieryć apracoŭku ran prafiesijanałam.
Ale ž pakul niama dastatkovaj infarmacyi, kab kazać, što miod manuka dakładna dapamoža pry hetych prablemach. Patrebna bolš daśledavańniaŭ. Niezrazumieła, ci dastatkova jaho antybakteryjalnaha efiektu, kab ličyć hety miod čymści bolšym za darahi łasunak z Novaj Ziełandyi. I, darečy, nie zusim biaśpiečnym: u niekatorych ludziej miod manuka moža vyklikać alerhiju. Taksama ŭ im šmat cukru, tak što ludziam z dyjabietam ci insulinarezistentnaściu treba stavicca da jaho aściarožna.
Niekatoryja karystalniki padzialilisia ŭ vodhukach da miodu za 302 rubli svaimi ŭražańniami ad jaho:
«Miod śpiecyfičny na smak, da zvyčajnaha miodu zusim nie padobny, ale pryjemny».
«Nabyvaju jaho rehularna dla padtrymańnia imunitetu, prymaju jak leki. Padabajecca smak, pach».
«Naša Niva» — bastyjon biełaruščyny
PADTRYMAĆCiapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna4
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1111
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha11
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary