Bankrutuje biełaruskaja dačka niamieckaha vytvorcy soniečnych panelaŭ
U 2019 hodzie niamieckaja kampanija Recom Technologies inviestavała ŭ budaŭnictva zavoda ŭ Biełarusi.
Płanavałasia, što na terytoryi industryjalnaha parku «Vialiki kamień» buduć vypuskać soniečnyja paneli mahutnaściu 300 MVt u hod i akumulatary. Adnak u lipieni 2024-ha biełaruskaja «dačka» niamieckaha kancerna syšła ŭ likvidacyju, a ciapier i ŭ bankructva.
ZAT «Rekambieł» było stvorana 22 sakavika 2018 hoda na terytoryi kitajska-biełaruskaha industryjalnaha parku «Vialiki kamień». Jaho asnoŭny vid dziejnaści — vytvorčaść elektryčnych akumulataraŭ i akumulatarnych batarej.
Pra prajekt Recom Technology stała viadoma ŭ lipieni 2019 hoda. Paviedamlałasia, što tak niamiecki kancern płanuje pavialičyć svaje jeŭrapiejskija vytvorčyja mahutnaści. Tady hienieralny dyrektar Hamlet Tunian raspaviadaŭ, što pradukcyja pradpryjemstva budzie «vysokaj jeŭrapiejskaj jakaści z vykarystańniem najnoŭšych technałohij u vytvorčaści modulaŭ», a jaho stratehičnaje značeńnie budzie zaklučacca ŭ tym, što jano «budzie absłuhoŭvać u asnoŭnym Jeŭropu, a taksama rynki ZŠA i Azii».
Ciapier čytajuć
«Muž zabraŭ u zakładniki maich kotak». Dyzajnierka Volha Kardaš — pra razvod z mužam, ułasnuju kramu i samaha stylovaha biełarusa5
Kamientary