Premjer-ministr Kanady Džaścin Trudo moža abjavić, što pakidaje pasadu lidara kirujučaj u krainie partyi, piša hazieta Globe and Mail.
Premjer-ministr Kanady Džaścin Trudo. Fota: AP Photo / Carolyn Kaster
«Trudo moža abjavić užo ŭ paniadziełak ab svajoj adstaŭcy z pasady lidara Libieralnaj partyi», — piša samaja papularnaja kanadskaja hazieta sa spasyłkaj na svaje krynicy.
Krynicy nie viedajuć dakładna, kali premjer Kanady moža abjavić ab tym, što pakinie pasadu kiraŭnika partyi.
Raniej miascovyja miedyja pisali, što niekalki dziasiatkaŭ deputataŭ parłamienta Kanady ad Libieralnaj partyi pryjšli da vysnovy, što Džaścin Trudo pavinien pakinuć pasadu jaje kiraŭnika.
«Pakul niezrazumieła, ci sydzie jon nieadkładna ci zastaniecca premjer-ministram, pakul nie budzie abrany novy lidar», — dadaje Globe and Mail.
Kamientary