Śviet

Kadyraŭ prajhraŭ vajnu za Wildberries: rasijski sud pakinuŭ kampaniju za zasnavalnicaj

Kanflikt vakoł papularnaha markietplejsa ŭ vieraśni navat vyliŭsia ŭ pierastrełku ŭ centry Maskvy, a Kadyraŭ abviaščaŭ kreŭnuju pomstu deputatam i sienataru.

Rasijski arbitražny sud pakinuŭ 99% kampanii Wildberries za zasnavalnicaj Taćcianaj Kim. Jaje były muž Uładzisłaŭ Bakalčuk prajhraŭ spravu i zastaŭsia pry svaim 1% kampanii.

Hučny biznes-kanflikt ciahnuŭsia ź leta 2024 hoda, kali Wildberries pačała źlićcio z apierataram vonkavaj rekłamy Russ Outdoor. Suprać źlićcia, uchvalenaha ŭ Kramli, vystupiŭ Uładzisłaŭ Bakalčuk, raspaviadaje «Možiem objaśniť».

Historyja pa časie supała z šlubarazvodnym pracesam Bakalčukoŭ. Eks-muž haspadyni nastojvaŭ, što dola vałodańnia Wildberries nie adlustroŭvała realnaha stanovišča spraŭ u kiraŭnictvie, usie klučavyja rašeńni prymaŭ mienavita Uładzisłaŭ, a ździełka z Russ Outdoor źviała ŭ jaho biznes. Dadaŭ emocyj i inšy fakt: Taćciana Kim syšła ad Bakalčuka da Levana Mirzajana — adnaho z dvuch bratoŭ, jakija kantralujuć Russ.

Bakalčuk paskardziŭsia svajmu zastupniku Ramzanu Kadyravu, jaki, pavodle infarmacyi rasijskich žurnalistaŭ, šmat hadoŭ «kryšavaŭ» Wildberries. Kadyraŭ pryniaŭ Bakalčuka, nazvaŭ uhodu «rejdarskim zachopam» i paabiacaŭ dapamahčy «zachavać siamju». 

Kanflikt u vieraśni vyliŭsia ŭ pierastrełku ŭ ofisie kampanii ŭ centry Maskvy niedaloka ad Kramla. U pierastrełcy ŭdzielničali kadyraŭcy, jakija sutyknulisia z achovaj z uradžencaŭ Inhušecii i byli aryštavanyja SK. Kadyraŭ u adkaz abviaściŭ kroŭnuju pomstu dvum deputatam-adzinarosam Dziarždumy z kaŭkazskich respublik i sienataru Sulejmanu Kierymavu. Paźniej Kadyraŭ zajaviŭ, što kiraŭnik SK Bastrykin pavinien syści ŭ adstaŭku.

U śniežni ŭ Maskvie Kadyraŭ sustreŭsia z kiraŭnikom administracyi Pucina Antonam Vajno, jaki kuryravaŭ pytańnie Wildberries. Adnak sustrečy z Pucinym kiraŭnik Čačni nie ŭdastoiŭsia. Pry hetym «Novaja hazieta. Jeŭropa» sa spasyłkaj na krynicy paviedamlała, što Kadyraŭ nibyta damohsia «adstupnych».

Sud pastaviŭ kropku ŭ hetym kanflikcie. Hałoŭnym bienieficyjaram abjadnanaj kampanii stanie Sulejman Kierymaŭ.

Kamientary

Ciapier čytajuć

«Što vy hadaść amierykanskuju padsoŭvajecie?» Łukašenka zahadaŭ, kab u Mak.by było ŭsio biełaruskaje7

«Što vy hadaść amierykanskuju padsoŭvajecie?» Łukašenka zahadaŭ, kab u Mak.by było ŭsio biełaruskaje

Usie naviny →
Usie naviny

Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara39

U Malinaŭcy ŭ stalicy — mocny pažar1

U Minsku źjaviŭsia adziny ŭ SND aparat sa štučnym intelektam dla lačeńnia raku7

U Teatry biełaruskaj dramaturhii źbirajucca stavić ideołaha «ruskaha śvietu» Zachara Prylepina20

Śpiavak Dziadzia Vania straciŭ pracu. Jon usio jašče adbyvaje chatniuju chimiju9

«Heta byŭ biesprecedentny akt suprać našaha naroda». Alijeŭ upieršyniu prakamientavaŭ zabojstva azierbajdžancaŭ rasijskimi siłavikami12

Jak vyhladaje znutry samy vialiki pientchaus kvartała Depo amal za dva miljony dalaraŭ VIDEA7

U Polščy dapamohu vypłačvajuć amal na 25 tysiač biełaruskich dziaciej — za hod ich stała krychu bolš3

«Nichto nie zrazumieŭ, kudy jechać». Pieršaja avaryja na ałmaznaj raźviazcy ŭ Minsku vyklikała sprečki siarod kiroŭcaŭ3

bolš čytanych navin
bolš łajkanych navin

«Što vy hadaść amierykanskuju padsoŭvajecie?» Łukašenka zahadaŭ, kab u Mak.by było ŭsio biełaruskaje7

«Što vy hadaść amierykanskuju padsoŭvajecie?» Łukašenka zahadaŭ, kab u Mak.by było ŭsio biełaruskaje

Hałoŭnaje
Usie naviny →

Zaŭvaha:

 

 

 

 

Zakryć Paviedamić