Cichanoŭskaja — Trampu: Łukašenku treba pakarać, a nie zaachvočvać
Choć biełaruskija ŭłady niečakana vyzvalili źniavolenaha muža lidarki apazicyi Śviatłany Cichanoŭskaj, ale jana praciahvaje zaklikać prezidenta ZŠA zachoŭvać cisk na Alaksandra Łukašenku.
«Nie narmalizujcie situacyju, kali ludziej vyzvalajuć u abmien na niejkija sastupki z vašaha boku, źmiakčeńnie sankcyj abo publičnaść», — skazała jana ŭ intervju Politico.
«Łukašenka pavinien być pakarany, a nie ŭznaharodžany», — zaklikaje jana.
Niekatoryja mižnarodnyja abaroncy pravoŭ čałavieka zaniepakojenyja, što paśla taho, jak Łukašenka vyzvaliŭ Siarhieja Cichanoŭskaha, paśla vizitu ŭ Minsk śpiecyjalnaha pasłańnika ZŠA Kita Kiełaha, administracyja Trampa asłabić cisk na Łukašenku.
Cichanoŭskaja zaklikała prezidenta ZŠA nie paddavacca na sproby Łukašenki lehitymizavacca.
Pavodle jaje słoŭ, Biełaruś moža stać «historyjaj źniešniepalityčnaha pośpiechu prezidenta Trampa», kali jon i sajuźniki ZŠA nie dazvolać Łukašenku zachavać uładu abo pieradać krainu Rasii ŭ abmien na ŭrehulavańnie vajny va Ukrainie.
«Ja ŭpeŭnienaja, što amierykanskija partniory razumiejuć, z kim majuć spravu», — skazała jana.
Cichanoŭskaja ličyć, što prezident ZŠA moža «źmianić usiu architekturu biaśpieki rehijona», kali budzie damahacca vyzvaleńnia biełaruskich palityčnych źniavolenych i nastojvać na sistemnych źmienach u krainie.
«Nielha zaachvočvać ahresara, miru nie moža być biez spraviadlivaści. A Biełaruś tut — klučavaja tema. Tamu što kali Łukašenka zachavaje ŭładu, miru ŭ rehijonie nie budzie», — dadała jana.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski31
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary
A kali Łukašenka nie zachavaje ŭładu i na jaho miesca pryjdzie jaki-niebudź ruskamirny Karpiankoŭ, Valfovič, Kačanava ci ŭmoŭny Hirkin, to mir budzie ŭ rehijonie?
Da jakich "sistemnych źmienaŭ u krainie" jana choča zaachvocić ZŠA, kali Biełaruś znachodzicca ŭ "Sajuznaj dziaržavie" z Rasiejaj, ODKB, Mytnym sajuzie z RF, i rasiejskimi vajennymi na terytoryi Biełarusi?
Pakankretniej možna, Śvieta?
Byccam by ŭtulny mirok niekatorych asobaŭ, jakija pracujuć zmaharami (i zarobak za heta atrymlivajuć), pačynaje šatacca, a hrantavyja patoki ryzykujuć pačać płyć u inšym nakirunku.